[11XXXXX]

السلام عليكم

طبعاً الكل سامع بالكلام انه التست بانك اتلغى والى الأن محد عارف ايش الكلام الأكيد وكل واحد يقول كلام ويقول انه متأكد منه وهذه بعض الروايات :)

المشاركة الأصلية كتبت بواسطة memo0o 02 السلام عليكم ... كيفكم يا حلوين بخصوص التيست بانك ترى ما اتلغى بس كل الموضوع انو تتغير اماكن الاجابات في الاختبار بس يعني مثلا عندك السؤال الفلاني اجابتو a في التيست بانك في الاختبار بيجيك مثلا الاجابة نفسها بس مكانها d ولا c بس ما غيرو فيه شي عشان في بعض الطلاب يحفظو الحروف ما يقرو الاسئلة كلام مؤكد 100%

المشاركة الأصلية كتبت بواسطة *عبدالرحمن المالكي* بسم الله الرحمن الرحيم اخواني انا اليوم رحت عند منسق المادة الدكتور نزار رضوان وسألته عن التست بانك قال لي التست بانك اتحذف وفيه بداله على موقع الكتاب يعني لازم تشتري كتاب وتدخل بالكود نفس الماث فيه بداله اربعة واجبات كل واجب فيه 30 سؤال وفيه كمان تمارين على نفس الموقع هذا هيه بس اللي تذاكروا منها واتوقع هيه حتكون اقل من التست بانك والاختبار بإذن الله ما حيخرج عنها والواجب حاولوا انه حلولكم تكون صحيحة من اول مرة عشان ماتنقصوا في البونس (لانه فيه بونس عشر درجات على الواجب غير المية درجة تبع المادة) والله يشهد على كلامي اللي نقلته لكم من الدكتور والله يوفق الجميع لما يحبه ويرضاه

المشاركة الأصلية كتبت بواسطة ulquiorra360 بسم الله الرحمن الرحيم اليوم أخدت أول محاضرة مع البرفسور نبيه باعشن مدير قسم الأحياء و منسق الماده و ملخص كلامه هنا عن الماده و التست بنك و طريقة المذاكرة التست بنك اتلغى بسبب إنو الطلاب استهترو بالماده و سارو يحفظو التست بنك بدون فهم و بسبب إنو في أحد الإختبارات غيرو ترتيب الخيارات و الطلاب أغلبهم غلطو في الأسألة و حيكون هناك البديل و هوا واجب اونلاين بونص عشر درجات و أيضا هناك اسألة مراجعة في موقع الواجب حق الأونلاين و حيكون منها الإختبار و لازم تشتري الكتاب عشان تاخد الكود حق الموقع عشان تفتح الواجب قيمة الكتاب 200 ريال هادا تقريبا كل ما جاء في المحاضرة و رجاء من الأخوة الأعضاء الرجاء عدم الشتم و السب في البرفسور !!!!!

المشاركة الأصلية كتبت بواسطة gerard د.أيمن قاضي قال نفس الشيء اليوم ~ التست بانك ملغي! المادة لها ثلاث إختبارات .. الأون لاين عبارة عن أربع واجبات بفترات متفرقة! لو حليت السؤال راح يختفي (يفضل تكتبه قبل لا تحله!) كل أون لاين فيه 30 سؤال ~ البونس 10 درجات وعلى حسب حلك للأون لاين. الإختبار النهائي 50% من أسئلة الأون لاين!!! الدوري الأول والثاني من الكتااب "الشرائح" !!!!!! ~ بالنسبة لأسئلة المراجعة ماذا تكون!!؟ ==" الدكتور ما جاب طاريها أبد! يعني نذاكر منها بالدوري الأول والثاني!

طيب !

الأن نمشي مع مين ولا مين

هل لو دفعنا لهم الـ 200 ريال حق الكود ( ماذكرت الكتاب لأنه مافي احد حيفتحه ) حندخل على الموقع ونحل اسئلة المراجعة والاختبار مايخرج منها او انها جزء من الاختبار والباقي من الكتاب أو ان التست بانك موجود معانا وهذا مجرد ترويج للكتاب

وكلام واحد اعجبني

المشاركة الأصلية كتبت بواسطة الرأي المحايد السلام عليكم بصراحة لو كان الموضوع صحيح ما اقول الا سحقا للجامعة وانظمتها وتخبطاتها ولكن والله بعيد عن " خشومهم " هذي التجارب لا اعلم لماذا اصبحنا ( الله يكرمكم ) " فئران تجارب " كل منسق يتفلسف وكل دكتور يحاول تعويض نقصه بالتجربه فينا ولكن اقولها وبكل ثقة اقول هيهات يمشونها علينا بما ان التسكين مع زملائنا الفصل الاول حيكون واحد فعليهم المساواة "امرا لا فضلا " ترى للاسف ماضيع حقوقنا الا سكوتنا المبالغ فيه عند اغلب الجهات بما فيها الجامعة وكأنهم ملائكة منزلين مع ان نسبة منهم للاسف لاتدري كيف اصبحوا دكاتره رغم انهم يأخذون رواتبهم مقابل تعليمنا وخدمتنا في هذا المجال عموما اعزائي طلاب وطالبات اطمئنوا ماضاع حق وراءه مطالب اذا تأكد الخبر سيكون لنا جميعا وقفة جادة وحازمة .......... قد يكون الكلام قاسيا واستباقيا ولكن لانريد ان تتكرر مأساة الرياضيات عندما لم يفدنا البكاء على اللبن المسكوب تقبلوا تحياتي / الرأي المحايد

وبين الهموم الي فينا لقيت كلمة ضحكتني

المشاركة الأصلية كتبت بواسطة ريال سعودي الشعب يريد التست بانك الشعب يريد التست بانك الشعب يريد التست بانك الشعب يريد التست بانك الشعب يريد التست بانك الشعب يريد التست بانك

وفي الأخير ما اقول الا حسبي الله ونعم الوكيل
وأعتذر على الإطالة واعتذر للأشخاص الي اقتبست كلامهم بدون اذن