رد: قبول الطلاب والطالبات الغير سعوديين
انا استغرب والله من الاخوات الكريمات يعني صبرتوا من قبل 5 شهور او اكثر ودحين باقي اسبوع ما حتقدروا تصبروا وجالسين تفحطوا بالاتصالات وايميلات وكلام فاضي ...الله يعينكم بس ..
وبعدين مع احترامي ...هما قالو لكم بالعربي حطوا ارقام تلفوناتكم واحنا بنتصل عليكم ..فليش تقعدوا تعلقوا عليهم وكل يوم رايحين جايين برأيي أنكم جالسين تتعبو نفسياتكم واجسادكم اكثر مما تتعبوا موظفين الجامعية اللي حيقابلوكم بالتطنيش ..لأنه بصراحة ما بيدهم شي وما قاعدين يخبوا عليكم ..قالوا لكم بالعربي احنا حنتصل عليكم ...
لا تستعجلوا وتريثوا واصبروا ..فنهاية الصبر خير ..
اما بالنسبة للي قالو لها تجيب خلو سوابق فهذي ما قد صارت فقد سألت صديق لي سجل العام الماضي وهو الان يدرس قال ما طلبوا منه وما راجعهم من يوم قدم إلا يوم اتصلوا عليه..بس شكلها تصريفة لأنكم ما فهمتوا التصريفة الاولى حق الاستمارة اللي مالها لزمة ..وشكلهم حفظوا شكلكم وطفشوا منكم فقالوا يصرفوكم بحاجة صعبة ...لذلك لا تتعبوا نفسكم رايحين جايين ..انتظروا اتصالهم او راجعوا بالموقع لان كل شي حيبان ومافي شي يتخبى ولا شي يستاهل انهم يكذبوا عليكم هذي جامعة طويلة عريضة ولها سمعتها واسمها وهما عارفين ايش يعملوا ...يعني انا مستغرب من كل هذا الاستعجال والتشاؤم...يعني بالله لو طلع القبول ما حيقولوا لكم عشان ما يبغوكم تدرسون ولا كيف يعني ..!؟
الله يعينكم على نفسكم ...
على فكرة انا زيكم مقدم من شهر 17 رجب لكني حاط يدي في ماء بارد وبالي مرتاح ولله الحمد ..الان ادرس لغة و على وشك اختبر التوفل ..وفي عندي اكثر من خيار واللي يجي من الله حيا به ..وكلي ثقة أن أي شيء يجيك من ربك فهو خير لك ..
مع العلم ان واثق بعد إذن الله اني من مقبول في عبد العزيز بس للأحتياط ..
غير كذا اخذت من كذا واحد المناهج واطلعت عليها ونزلت تمارين واخذت فكرة كاملة عشان لو بدت الدراسة نبيض الوجه ونكون بالمكان الصحيح ...
ما اقول إلا الله يوفقنا وأياكم
>>>كلام كان بخاطري أرجوا ماحد يزعل من عتابي ويتقبله من أخ لكم يحس بما تحسون :)
|