[نوره الغامدي]

شوفي انا اخذت مع هيام .. زميلاتي اخذو معاها الترم اللي فات .. مرررررره يمدحوها و يقولو شرحها تمام و اخلاقها طيبه لأبعد درجه ..


غير كذا درجاتهم حلوووه ماشاء الله .. ومعروف عنها انه تراعي فـ الدرجات كثييير , وربي صاحباتي يطلعو من الاختبار عندهم اخطاء اكيده و واااااضحه زي الشمس , قسم بالله تعديها لهم و يجيبو 25 كاااامله , شوفي نهال بالمقارنه فـ الترم الاول وربي ماتراعي زي هيام :( انا عني ارتحت جدا لهيام و اخذت معاها الماده وانا متطمنه ..


انا جربت اني ادرس مع دكتور ( راجل ) بس كان اقتصاد جزئي مو محاسبه , و احس الوحده تتعب حبتين لانه مايكون فيه تواصل مع الدكتور وما تقدري تاخذي راحتك زي لمن تكوني مع دكتورهـ ..

لا تنسي انه المحاسبه مو زي الاقتصاد ..! يبغالها جهد اكبر بكثييير ..


اختي درسها زكريا , جابت معاه درجه كويسه و هوا طيب , بس اوقات كان مايذكر حاجات او ينساها , يعني هيا كانت تذاكر بنفسها و تدور عـ الحل الصح بنفسها مع زميلاتها .. مو اعتمادا عـ الدكتور .!!


انتي استخيري قبل كل شي ,


موفقه بيان ^_^