[بغمزة اطيح خمسة]

المشاركة الأصلية كتبت بواسطة رذاذ الماس يااخوان هدوا اعصابكم شوي حنا زملاء دراسه وهدفنا هو الاستفاده من بعضنا البعض حنا وش دخلنا في ارباح الجامعه والا عوائدها خلونا في مصايبنا في التقديم والبطاله الفاحشه تصدقون عندي شي ودي اقوله مااقدر اصبر بالنسبه للجامعه انا متاكد ميه بالميه انها ربحيه وعوائدها تستخدم في انشاء المباني التكمليه للجامعه والتطويريه يعني ماتزعلون جمعتها لكم الاثنين الربح يحول الى مشاريع حكوميه تعليميه والله اعلم

^
^
^
^
^
إلى الأخ رذاذ ترانا والله مهدين اعصابنا بس فيه ردود لبعض الأعضاء مالها داعي وخصوصاً انها وصلت للمحاكم هههههههه

الله يهدي الجميع ،،،،

اكيد طبعاً زملاء دراسه وهدفنا هو الاستفاده من بعضنا البعض في هذا المنتدى العظيم


انا قلت رأي في ارباح الجامعة وفي الجامعات الأخرى بس انه انسان يتجي يتفلسف علينا ومسوي انه فاهم كل شيء وهو والله مايدري عن الطاسة ولا يدري وين الله حاطه فيه ؟؟؟؟؟ هذا الشيء مانقبله بتاتاً البته ،،،،،


وبعدين بقولك على شيء ياعزيزي

ترى اغلبيه اللي فوق وخصوصاً للي جاي يقول ان مالها ارباح تلقاه واحد في الجامعة مزبطه يدخل ماجستير وحالياً يدرس


والأخ عماد الحسن اللهم لاحسد ماشاء الله تبارك الله


الله يوفقه ويعطيه على قد نيته ياكريم تراهم اغلبيهم موظفين وماهم في حاجتها

وخلك فاهمني كوويس ،،،،

بس حنا اللي قاعدين في مصائبنا في التقديم وعاطلين منذ ثلاث سنوات وبطالة فاااحشة وانت صاادق والله


لأنهم ماحسو بالمعاناة ولا حسو بحجم البطالة اللي هم عايشين فيها


ولا حسو بالظلم وعندهم من يسند عليهم ويزبط امورهم بس حنا المساكين اللي قاعدين في المدارس الأهلية ومتسكعين في الشوارع بالتاكسي منذ القدم ،،،، وكل مانقدم عليهم مايقبلونا بفعل فاعل


ويكفي ياعماد الحسن انك قلتها بنفسك إن الوظائف للغة العربية قفلوها من زماااااااااان

وترى قلتها مليون الف مرة اللي يده في النار مو مثل اللي يده في المويه


يعني اللي متوظف وراتبه شهرياً يجيه لحد عنده يحمد الله على النعمة اللي فيه ويشكره كثير الشكر

غيركم ترى عاطل من زمان وحالته المادية تحت الصفر واخص بالذكر الشباب والبنات وانتم ادرى بذلك

فخلو الناس في حالها ،،،،

وشكراً لك يا اخي العزيز رذاذ الماس بردك أنك متأكد ميه ميه انها ربحيه


كل التقدير والاحترام لكـ

تحياتي أ.عبدالعزيز