[فندام]

إلى الأخ Brainiac هي تصريح للدكتور فيصل بالعمش وكيل كلية الأداب والعلوم الانسانية ذكر فيه بالنص انو عدد الطلاب المنتسبين بكلية الأداب والعلوم الانسانية يبلغ 18000 طالب وكل طالب بيسدد مبلغ 3000 ريل عن كل فصل دراسي يعني بحسبة بسيطة 180000 * 3000 = 54 مليون ريال ماشاء الله تبارك الله وهدا غير الطلاب المنتسبين بكلية الاقتصاد والإدارة والي ما اعرف بالضبط كم عددهم بس اكيد انهم بالالاف فالجامعة على كدا يدخلها في الفصل الدراسي الواحد مبلغ قدره 54 مليون ريال من طلاب كلية الاداب والعلوم الانسانية فكيف يكون ماعندهم ارباح صراحة ماتجي وعشان نكون منصفين لو افترضنا انو مو كل الطلاب المنتسبين سددو الرسوم الي عليهم يعني خلينا نفترض انو ثلث الطلاب يعني 6 الالاف ماسددو الرسوم وهدا امر مستبعد لكن خلينا نفترض هدا الشي فحتصير الحسبة كالتالي
12000*3000= 36 مليون ريال وهدولا طلاب كلية الاداب بس فكيف مايكون الجامعة عندها ارباح ! خلينا منطقيين