هلا رور , نورتي القسم و الدفعة
جميع المواد هذه اخذتها السمستر الي فات . .
المحاسبة 117
مادة سهلة , مُجرّد اساسيات و يبغالك تحضريلها اول باول و يعتمد طبعاً ع الدكتور
و ع فكرة اسئلتها مقالية او بالاصح مسائل تحليها ما في تعاريف و لا شي (بالنسبة للطلاب)
مدري ماني فاكر بس كأنّ البنات كانوا يمدحوا سحر او شي زي كذا
اقتصاد جزئي 107
مادة دسمة شوية , و فيها تعاريف و اشياء كثيرة , يبغالك تركيز و مذاكرة اول باول
اختباراتها اختياري من متعدد و البنات يمدحوا الدكتور , محمد البنّا
الانقلش 201
مادة تافهة جداً و اسهل من التحضيري و كل الاسئلة من الكتاب , يعني فيه منهج تمشي عليه
و عادة تجي الاسئلة مقالية الا النهائي جات اختياري و كان تافه جداً
اما الدكتورة ماني فاكر
الاحصاء 271
اذا كنتي علمي او اداري بالتحضيري , ترى نفس المادة اللهم بالانجليزي
و ضيفي عليها شوية اشياء او بالاصح ابواب , المنهج طويل عبارة عن 14 شابتر تقريباً
فلازم الحرص عليه شويات , انتبهي بعض الدكاترة يعدوا اول 7 شباتر لانه حق التحضيرية تقريباً
و راح تسمعي بـ اضافة للاكسل ينقال عنها : ميجاستات .. هذه لو عرفتيها , تضمني النجاح
و بيفهموها لكي الدكاترة ان شاء الله ..
اختبارات المادة اختياري , و فقط اختبار واحد دوري من 30 و 40 نهائي
و 30 درجة في يد الدكتور من واجبات و حضور و الخ , و بيعطوكي كويزين تحليهم بالبيت
كل كويز عليه 10 درجات . .
و لا يحضرني اسم افضل دكتورة
الفيزياء 110
نفس التحضيري بالضبط و لو كنتي علمي بالثانوية بـ تمشي الحال
المادة فيها بابين غثيثين , بس تمشي الامور ان شاء الله
و يمدحوا ملخصات اشرف بركات . .
اتمنى وضحت لكي الفكرة في المناهج الخمسة