رد: مو فهم شي..!
^^
يعطيك العافيه
ممكن تطلعي عالرابط اللي حطو لك الاخ
حيفيدك
شوفي
قدام الماده موجوده الايام
s.m.w
تدل انو الماده عندك 3 ايام في الاسبوع (سبت واثنين وربوع)
s.t
تدل انو الماده موجوده عندك يومين في الاسبوع(احد وثلوث)
كذا اوكي؟
دحين نشرحلك الجدول
راح ابدا من اليمين
اول خانه (خانة التسجيل) مو مهمه بس توضح متى اضافولك المادة في الجدول
ثاني خانه(الماده)تتفرع لثلاث خانات فرعيه تختص بالماده
اول خانه فرعيه تدل على رمز الماده بالانجليزي (مهم تعرفيه عشان وقت الاختبار تكتبيه على ورقتك)
ثاني خانه فرعيه تدل على رقم الماده(مهم تعرفيه عشان وقت الاختبار تكتبيه على ورقتك)
ثالث خانه فرعيه تدل على شعبتك في الماده زي لمن كنا نقول فصلك في المدرسة(برضو مهم تعرفيه)
خلصنا من خانه الماده والخانات اللي تتعلق فيها(ملحوظة: لكل ماده رقم ورمز وشعبه مختلفه خاصه فيها)
ثالث خانه(اسم الماده)
رابع خانه(الوحدات) تدل على عدد الساعات للماده في الاسبوع
خامس خانه (الايام) تدل على الايام اللي عندك فيها الماده وهي بالطريقة اللي شرحتها لك فوق
سادس خانه(الوقت)وينقسم لخانتين فرعيتين
الخانه الفرعيه الاولى :زمن بداية المحاضر
الخانه الفرعيه الثانيه:زمن نهاية المحاضرة
الخانه السابعه (المبنى) تدل على رقم المبنى اللي حتاخذي فيه الماده
الخانه الثامنه(الغرفه)تدل على رقم الغرفه اللي حتاخذي الماده فيه
رموز
اذا كان فيه حرف Aعند رقم الغرفه معناتها في الدور الاول
حرف Bمعناتها الدور الثاني
حرف C معناتها الدور الثالث
اذا كان رقم الغرفه يبدأ بحرف Lمعناتها غرفتك هي معمل (زي معامل الكمبيوتر)
اذا رقم الغرفة بدون حروف:
وكان اول رقم من اليسار (1) مثال 123
يعني الغرفه في الدور الاول
اذا كان اول رقم من اليسار (2) مثال 223
يعني الغرفه في الدور الثاني
وهكذا
بالنسبة للخانه الاخيرة في الجدول ماحتفيدك اتركيها
شرحت بالتفصيل الممل
لو عندك اي استفسار لاتترددي
موفقين
|