اخوي سلطان ..
اتمنى تكون بخير وصحه وعافيه
لاهنت ياخوي ابيك تجاوبني على استفسارات بسيطه اثارث الجدل عندي ^_^"
ان شاء الله بنهاية هذا الترم بخلص السنه الثانيه لي بالبكالوريوس واكون اكتسبت 60 ساعه من اصل 125
1- هل هالعدد المكتسب من الساعات لازال يخولني للتحويل للتعليم عن بعد ؟ علماً بأنه يتبقى لي ساعتين ونصف واكون وصلت لنصف عدد ساعات البكالوريوس !!
على حسب شروط التحويل تقدرين لان 60 ساعه اقل من نصف عدد ساعات التخصص الي هي 125
وهذا الرابط لشروط التحويل يفيدك المذكور من انتساب لانتظام والعكس بس التعليم عن بعد تنطبق عليه نفس الشروط
http://www.kau.edu.sa/content.aspx?s...ng=ar&cid=2033
2- بالنسبه للاختبارات القصيره كيف اختبر في بيتنا والكتاب معي ؟؟؟ يعني شلون تكون طريقة الاختبار القصير ؟
اي في بيتك عن طريق النت في نظام اسمه ايميس هذا خاص بالاختبارات القصيرة والواجبات والمشاركة بالمنتديات يعني تقدرين تقولين اختبار اوبن بوك بس يعطيك فتره محدده مثلا خمس دقائق او عشر ع حسب الدكتور ولازم بخلال هذا الوقت تحلين الاختبار اذا انتهى الوقت وانتي ما حليتي يقفل عليك الاختبار وما تقدرين ترجعين له مرة ثانية وعموما الاسئلة اغلبها صح وخطا وخيارات من متعدد
3- سمعت انه في حال انفصل عنك النت باختباراتك القصيره يروح عليك الاختبار وتاخذ صفر !! وكمان سمعت انه احيانا يُرسل الاختبار بدون اجاباتك بالرغم انك مجاوب !!! هل هذا الكلام اللي يمعته صحيح في الحالتين ؟؟؟
اذا فصل عليك النت وانتي بالاختبار للاسف يروح عليك بس اذا فصل النت ورجع بسرعه يعني بخلال دقيقه مثلا او اقل تقدرين تواصلين الاختبار لانها صارت معي قبل كذا بس اذا فترة طويله يروح عليك مع الاسف
النقطة الثانيه بصراحة ما عمري سمعت عنها ولا حصلت لشخص اعرفه
وعموما اغلب الدكاتره متساعدين يضعون لنا اختبارات بديله عشان الي حصلهم مشاكل يعوضونها وبالامكان مخاطبة استاذ المادة عن هذي المشكله عبر البريد الالكتروني بالايميس او بنفس المحاضرة
4- بالنسبه للاختبارات النهائيه هل هي موضوعيه مثل الانتساب ام مقاليه في اغلبها ومقاليه في اقلها كالانتظام ؟
الاختبارات النهائية اتكلم عن قسمي كانت جميعها صح وخطا وخيارات ولكن علم النفس مدري والله ان شاء الله يكون في احد من قسم علم النفس يفيدك
5- بالنسبه لدراسة الماجستير هل التعليم عن بعد يفوق الانتساب بالمفاضله ؟؟
ما اقدر اقول يتفوق او لا ولكن اكيد سمعتي انهم راح يلغون الانتساب ويكتفون بالتعليم عن بعد والتوجه الان صار للتعليم الالكتروني
وانتي قيسي عليها
اعتذر على الاطاله .. اتمنى مااكون ثقلت عليك بالاسئله ^_^"
شاكرهـ لك تعاونك ...
وعساك عالقوهـ
^_^
دمتم بود