رد: تجمع طالبات التاريخ
بنات حقولكم على الي اخذت معاهم لاني لخبط كل وحده بتسال
اخذت مغرب واندلس ودوله عثمانيه مع وفاء رحيلي الدكتوره مررره كويسه بس اهم شي تكتبي معاها بالنسبه ليا مع وفاء رحيلي مااشتري الكتاب اكتب كل المحاضره معاها واقدم لها كل الي تبغاه وابشر بالخير
اخذت دوله امويه مع ابتسام مندوره .. الشرح كويس وتطلب عرض بور بوينت بس المشكله في الاسئله تجيبها دقييييقه مررررره وتحلي من قلبك وبرضو ماتجيبي الدرجه الكامله افتكر كنت اخرج مبسوووووطه ولما اشوف الدرجه انصدم ولما نسالها تقول الاجوبه مو كامله على العموم نجحت على الحفه *_*
السيره النبويه اخذتها مع فاطمه السعيد اعلى درجه عندي من يوم مادخلت الكليه خخخخخخخ الين اليوم افتكر اسئلتها الله يسعدها بس ترى انسو الشرح والبنات الله يهديهم يجيبو لها الجنان
تاريخ العلوم العربيه الاسلاميه اختها مع بسامه البسام بصراحه دكتوره خطييييييره مع انو محاضرتها متعبه شويه وكانت تخاصمنا كثير بس الله يعطيها العافيه حصلت لي ظروف وساعدتني كثير هيا ودكتوره وفاء رحيلي
ونجحت عندها بدرجه حلوه ودا الترم باخذ معاها
مصادر ومعلومات اخذتها مع فوزيه السلمي كنت شاكه اني بنجح ماكنا متقبلينها ولا هيا متقبلتنا واعطتنا واجب والله مدري كيف قدمتو الين اليوم كان حوووووسه بس الحمدلله نجحت بدرجه حلوه والترم الي فات البنات كانو يشتكو كثير منها مدري ليش
تاريخ عالم قديم ااااااه منو اخذتو مع فتحيه عقاب وطبعا f مع مرتبة الشرف واخذتو الترم الي فات مع وجدان عسيري الله يسعدها ويعطيها الي تتمناه وتدخل الجنه من اوسع ابوابها بصراحه ماكنت افوت محاضراتها حتى لو بمووووت تعب وخلصت اختباري ونجحت والن اليوم المعلومات في راسي وجبت درجه عااااااااااااااااااليه ماشاء الله
يعني بالعربي اي مادة مع وجدان عسيري لاتفوتوهااااا
اخذت مشرق عربي حديت مع سعديه افغاني الله يسعدها تجنن الماده معاها وتاشر معانا الملزمه سطر سطر واسئلتها صح دقيقه لكن لما تذاكري بذمه وامانه تجيبي درجات تجنن
ودا الترم اخذت معاها برضو
تاريخ مملكه حديث اخذتو مع امل بلادي الشرح وااااااااااااااااااااو تحفضي معاها على طول وتجي المحاضره التانيه وتسال ونجاوب ندخل الاختبار ونطلع نلاقي درجات خرااااااافيه خخخخخخخخ والله كنت احل بس مااجيب حتى نص الدرجه لو انا بس بقول الخلل مني بس كل البنات الله يهديها وتوووووبه اخذ معاها لان الماده حلووووه بس خربتها بالاسئله
ابشركم نجحت على الحفه *_*
منظمات دوليه ااااخ عليها بس اختها مع هند المطلق قلبت رااااس امنا والله ادخل واطلع من الاختبار مدري ايش الاسئله وحصلت لخبطه ومااختبرت الدوري الاول ولما عادتو سؤالين عليه 20 درجه وبعدين لغت سؤال وسار سؤال عليه 20 درجه بس قدمت لها الواجبات كامله وكنت احضر دايما ونجحت على الحفه *_*
امكن الترم دا تتغير مع البنات لانها كانت جديدها ومااتفقت معانا بس تر تاشر الملزمه يعني لو الملزمه 100 صفحه بعد التاشير تطلع 30 صفحه
اما فرق واديان اخذته مع اسماء السويلم شرحها مررره حلو بس الاسئله مرررره صعبه وحصلت ظروف وماكانت ودخلت الاختبار النهائي بدون مااذاكر وحملت الماده واخذتها الترم الي فات مع زينب الحربي ونجحت مع انو كانت صعبه الماده اصلا دسمه جداااااا وتلخبط يعني مو اي دكتوره تقدر تعطي دي الماده
بالنسبه ليا زينب احسن بكثييييير من اسماء ولو في دكتوره ثانيه اسالو امكن تكون احسن من الاثنين
وبس هذولا كل الدكاتره الي اعرفهم يااااريت تفيدوني زي ماافدتكم .. خلاص تعبت
|