[أبي سلف60مليون]

المشاركة الأصلية كتبت بواسطة daniah وضحت الصوره وانا اشكرك على التوضيح بس انا عندي مشكله اني مو قادرة اخد اجازه للختبارات ايش الحل انا اضطريت اني اذها من اجازتي السنويه ومرررررره ضياااااااع وقدمت للمديريه مرتين وجات بالرفض ايش الحل

بما إنك موظفه وكملتي الدراسه فشي طبيعي يكون عندك موافقه من جهة العمل بدراستك
عشان الجامعه تقبل فيك .. وبما إن الموافقه موجود فلا مديرتك ولا مديرها ولا حتى الوزير بكبره يقدر يمنعك من الإستفاده من إجازة الإختبارات واللي هيا اسبوعين كاملين سواء عندك عشر مواد او حتى ماده وحده تاخذي الـ14 يوم من فوق خشم أطلق شنب وشنبه بالوزاره ^^

حتقولي لييييييييييييييييش!!

حقول لك لأن هالشي اللي هيا إجازة الإختبارات صدرت بمرسوم ملكي رقم وتاريخ .. فمين حيقدر يخالف أمر ملكي؟؟
في ناس بتخالف هالأمر مو لأنهم أقوياء أو مالين يدهم من شي .. صدقيني بيرفضوها لأنهم جاهلين بالمرسوم الملكي وما عمرهم سمعوو فيه

عموماً إجازة الإختبارات بنص المرسوم لا تحسب خدمه للموظف يعني تعالي نحسبها
8 مستويات ×14 يوم = 112 يوم لن تحسب كخدمه زيها زي الإجازات المرضيه والغيابات

اما إذا سجلتي بالجامعه وما فيه بملفك ورقة موافقه من العمل فهذا شي ثاني والله يعينك تاخذيها من إجازاتك الإعتياديه وبوقتها حاولي تجيبي الموافقه على الدراسه بأي ثمن.

أتمنى تكون الصوره اتضحت للجميع