بسم الله الرحمن الرحيم
احب اقول اني إن شاء الله راح اكتب كل الاستاذات الي درسوني من اول سنة دخلت فيها الكلية الى اخر سنة لان هذا اخر ترم واتخرج ان شاءالله .
راح ابدا
سلوى منديلي :درستني عربي مرة طيبة واسئلتها متوسطة الصعوبة بس الاستاذة ذوق وهادئة وشرحها مفهوم .
حصة العريني :تحب الطالبة الشاطرة الي تهتم بالمحاضرة وهي مرة ذوق وقمة في الاخلاق وفي نفس الوقت شديدة وتعطيكي حقكك واسئلتها بغالها تركيز .
شمائل الرفاعي :طيبة واسئلتها سهله .
وفاء الشبرمي :ذوق واخلاق وتعطيكي حقك واسئاتها سهله نوعن ما .
بدرية بهكلي :ماتخذ حضور وغياب اسئلتها للبنات الي يذاكرو ويفهموا معاها المحاضرة لانها احيان تجيب من شرحها تطلب انشطة كثير.
ابتسام الجابري :اسئلتها موية وطيبة لكن تشوف لبس البنات اذا كان مخالف .
حنان بياري :طيبة وتساعد اسئلتها حلوة .
نجوى المزروعي :درستني انجليزي طيبة وتساعد اسئلتها مره سهله .
نور مصيري :انا عني ما حبيتها لانها تقراء من الملزمة والمحاضرة مملة وتجيب النوم واسئلتها مقالي وصعبة .
تهاني البيز :طيبة اسئلتها حلوة درستني تنمية مهارات التفكير .
ثناء جابر :درستني طيبة اسئلتها على ايامي كانت مقالي وموضوعي الاسئله متوسطة الصعوبة .
هشام سلطان :درسني اصول تخريج طيب مرة ويساعد وتنجح الطالبة بكل سهولة واسئلته اجيب من الي يركز علية .
ام هاني :طيبة واحيان عصبية احيان تاخذ حضور كلمها جدا حلو وذوق توصلك المعلومة من غير لف ودوران اسئلتها مرة سهلة .
لطيفة امريكي :طيبة تشرح من الكتاب اسئلتها سهلة بس انا احب الاستاذة النشيطة تعمل جو بس دكتورة لطيفة جدا هادئة وتدي المحاضرة وتمشي بس عموما طيبة .
صالحة الشريف :طيبة بس لاحد يغلط عليها تحب تتكلم مع الطالبات وتمزح دمها خفيف اسئلتها متوسطة الصعوبة احيان تطلب واجبات .
سامية حنبظاظة :تطلب واجبات اسئلتها صعبة شرحها يبغاله فهم وتركيز بس احيان تراعي تجيب من داخل المنهج والي تركز علية .
اماني بنجر :عسل صافي طيبة مرة واسئلتها سهله بس احيان فيها مقالي تطلب واجبات .
فوزية خياط :مرة طيبة وتساعد اسئلتها موية .
جوهرة المقاطي :طيبة لكن اسئلتها مقالي في الغالب .
جمال عطوة :طيب وينجح واسئلته مقالي وموضوعي لكن سهلة .
وفاء هوساوي :ذوق طيبة شرحها مفهوم تراعي الظروف اسئلتها سهلة .
سناء عبده :طيبة تطلب واجبات اسئلتها حلوة بس ركزي شرحها مفهوم .
اسماء السويلم :منظمة شديدة اسئلتها دقيقة يبغاها حفظ وتركيز واحيان تكون مقالي وموضوعي لكن شرحها روعة بمعنى الكلمة .
وفي النهاية اقول المادة لها دور في صعوبة الاسئله لوسهولتها وهنا يجي دور الاستاذة في مساعدة الطالبة على تخطي الصعاب .
بنات كل الي ابغاه تدعولي ربي يرزقني الزوج الصالح عاجلا غير اجل انا وكل من ارادت الزواج لاتبخلوا علي بدعوة
يارب وفقنا واسعدنا لما تحب وترضى .اتمنى اني افدتكم .
الزوج الصالح لاتنسوا .............