[LeLou]

المشاركة الأصلية كتبت بواسطة عـآزفـ الكيـبورد ـة انا مساري علمي ومعدلي 5 اذكر ربك ,, و مسجلة بتسكين الاودس ورغبتي بخط يدي في الورقة اللي عطونا هي ,, انو انا ابغى حاسبات ,, طبعآآآ ,, بالاصل انا كان نفسي بطب ,, بس امر الله انو ما اكون سعودية ههههههههههههه فطار الطب ,, هل الواسطة القوية من مدير التعليم العالي تدخلني طب عزوز ؟؟؟!! نجي للحاسب .. في بنات سوو نفس اللي سويته ومعدلاتهم اوطى من معدلي ودخلوهم حاسبات سليمانية !!! ليش ؟؟!!! الموهيم حطوني ادارة واقتصاد بحكم انو يمكن التحويل منو مدام مساري علمي ,, والله داخل قلبي الشك الحين خآآآآآآآآآآيفة ما يحولوني , غير الضيقة الي بقلبي ,, حاسة ان عمري كلو بيضيع على شي ما نفسي فيه ,, وحاسة كل تعب عمري ضآآآآآآآآآآآآآآآآآآآآآآآآآآآآع هباء مع هالبشر ,, الله ينتقم لنا منهم ,, الموهيم ’’ تعرف احد زيي ,,

آآآه يا عزوفة شو بدي أحكي لك لأحكي لك..
أنا بصراحة كنت ساكتة على مضد باعتبار أنه قسم الحاسب ما انفتح من أصله..
لكن أمس لما كلمتني مسوري و قالت لي أنه في بنات اتسكنوا حاسب بالسليمانبة لا وكمان معدلهم أقل من معدلاتنا طار عقلي..
يعني أيش الظلم ده..
أنا ما أنكر أنه أنا عندي واسطة و أنا كان عندي نفس سؤال الأخ كاتب الموضوع ..
لأنه أنا لازم أحدد تخصصي و انزل موادي قبل لا تقفل الشعب بس خايفة أنه لو عملت كده الرجال اللي اعرفه ما يقدر يعمل لي شي..
أنا أكره الواسطة لكن من جد احنا أحق من كثيرين بالمقاعد اللي هم جالسين فيها..
و أنا كنت بحاول قدر المستطاع أني أمشي نظامية و اقدم على التحويل بنفسي و ما أطلب من الرجال يسوي لي شي..
غير الرد على الاستفسارات اللي دايمًا مصدعة راس زوجته بيها عشان تسأله هي..
أيش نسوي بس الشكوى لله..

يا حياتي أنا زيك أنا من الثانوي و أنا مأقلمة نفسي أني بتخصص حاسب..
و بعد الكارثة التي حلت بنا جلست أقنع نفسي و بفضل الله ثم واحدة من صاحباتي اقتنعت بالفيزكس..
يجوا دحين بعد ما خلاص أقلمت نفسي و شفت المواد و الشعب و أخذت جميع استعداداتي يطلع فيه حاسب..
و أنا ما استعديت لشي متعلق بالحاسب..
متى بحول و هل حيكون في شعب فيها أماكن و لا أروح أحدد تخصصي و أنزل جدولي مع العلم أنه واحدة من المواد اللي كنت ناوية آخذها معمل الكيمياء و كل شعبها اتملت خلاص ما عدا شعبتين..
يعني الواحد ايش يسوي؟!
آآآه يا رب و فقنا و يسر لنا..