[suzana]

السلام عليكم ورحمة الله وبركاته:

أخي dr.yaya أولا والله العظيم مادري ليه اتأثرت بموضوعك ولكني والله اني الحين راح أكتب الكلام من أعماق قلبي فخليك مركز في كل كلمه ولاتستهون فيها تمام :

أولا: وقبل كل شيء أقوى سلاح إنك تخش الطب عارف إيش هو ؟؟ طبعا غير المذاكره والاجتهاد
" الدعــــــــــــــــــــــاء" ثم "الدعـــــــــــــــــاء" وتذكر بأن سهام الليل لا تخطـــــــيء والله العظيم وأكثر من الإستغفار لقوله تعالى " فقلت استغفروا ربكم إنه كان غفارا يرسل السمـــــــاء عليكم مدرارا ويمددكم بأموال وبنين ويجعل لكم جنات ويجعل لكم أنهارا"

ثانيا: قل الحمد لله على كل حال والي حصلك هذا أبدا ماراح يأثر فيك ابد إن شاء الله بل بالعكس حيخليك تجتهد أكثر وأكثر " إجلس مع نفسك ولوحدك كذا في غرفه جلسه صادقه جيب ورقه وقلم حدد وين كان القصور وايش السبب الي خلاك تجيب هذا المعدل وكيف ممكن تغيرو" أكتب هدفك بالخط العريض في ورقه كليه طـــب أسنـــــــــان وكررها دايما لانه سبحان الله في جانب من الدماغ يخزن هذا الشي وسبحان الله يحصل " بس طبعا لازم مع الجد والمذاكره "

ثالثا: أهم شي لاتستمع للنــــــــــاس المحبطــــــه الي تقولك مافي أمل هذيل الناس أدخل في عينهم وقولهم طوووووول ماالرزاق موجود مافي شي مستحيل أبدا ولا أقولك أصلا لاتكون معاهم ولا تجالسهم لأنهم حيقللو من عزيمتك .

رابعا : إجلس مع الطلاب الشطار حل أول بأول إذا حاس نفسك مو فاهم روح عند مدرس خصوصي شوف أسماء دكاترتك من دحين وحاول تعرف من الطلبه كيف شرحهم إذا سيء إنقل من الشعبه فورررا .

خامسا و أخيرا : تذكر انه "ليس العيب أن نخطيء ولكن العيب أن نكرر الخطاء" موفق أخوي وشد حيلك وصررررررخ الحين إذا إنت حابب تصرخ إفرش السجاده وقوووول كل الي تبي للي قادر على كل شي "سبحانه وتعالى " وأيضا تذكر أنه إذا شعرت بالفشل مره فليس معناه أن تتوقف ولكن معناه أنك سلكت الطريق الخطا وعليك تغيير الاتجاه .
مع خالص دعواتي لك بالتوفيق يارب