[مدحدر]

عزيزي .. انت تبي الكلام الي يجمد على الشارب ولا لا !!
انا بقول لك وبكل اختصار ومن واقع تجربه والحمد لله اولا ً واخيرا ً

1 / بالنسبه للفيزياء : اولا ً الاسئله يضعها الدكتور فرج الحازمي .. واسئلته جدا ً معقوله يا طيب
ثانيا ً : عليك بملخصـات اشرف بركات .. لانه وبكل امانه رجل متمكن من الفيزياء بالذات

2 / بالنسبه للرياضيات : الماده هذي لحسة مخ من الاخر .. على شان ما اكذب عليك
اساسا ً المنسق على رئيس القسم على باقي " الشله " ( الشله = الدكاتره ) تحس انهم مو متفاهمين ف َ لاتستغرب اذا كل يوم طلعو لك بقرار .. يجيب الاكتئـــاب
انت كل الي عليك تسويه طال عمرك : تركز على ملخص واحد فقــــــــــط .. او بمعنى اصح مرجع واحد فقــط
على اساس لا تشتت تركيزك .. خصوصا ً ان هالماده دسمه شوي
وحل عليها مسائل قد ماتقدر وبكل الافكار ..
مثلا ً .. خذ ملخص اشرف بركات ، تقريبا ً هو الافضل مقارنتا ً بغيره لكن يعيب عليه عدم الترتيب يعني احتمال كبير تحس بـ لحسة مخ حبتين لكن مو مشكله
وحل عليه مسائل نفس المسائل كررها + حل اسئله قديمه .. ضروري الله يرضا لي عليك
ومع هذا كله .. صدقني راح تدخل الاختبار وتشوف اسئله افكارها مامرت عليك ، لان الماده تعتمد على الافكار بشكل جذري ..

مثال بسيط : يعطيك مسئلة .. تحلها على نفس القانون ( لكن تستغرب ان الاجابه مو موجوده بالاختيارات ) ف َ بينلحس مخك لـ مده وقدرها ( الى ان تنتهي الفتره الزمنيه للاختبار ) خخخخخخخخخ
لكن تكتشف بالاخير .. ان فيه فكره معينه " مثلا ً لو تنطق المقام ، او تضرب بسالب او شيء زي كذا " راح تلاقي الاجابه ( مرتزه ) اماااامك

بكون معك صريح واعذرني ع الاطاله ، لكن يعلم الله ماكتبت هالكلام غير حبا ً للخير فيك وفي غيرك

المادتين هذي بسيطه لو عطيتها حقها مثل ماقلت لك بالنص الواحد ..

خذني مثال حي امامك والحمد لله على كل حال ..
الفيزياء مشيت على نفس النظام " وضربت شرح دكتور الجامعه بالحااااااااااااائط " والحمد لله على كل حال اخذت درجه حلوه جدا ً
الرياضيات : على الرغم من اني مشيت على نفس الكلام وكنت مركز عليه اكثر من الفيزياء مليون مره لكن نقصت فيه كذا درجه ،، والسبب كله يرجع لـ الافكار الي قلت لك عليها .. الي تلحس مخك وينتهي فيها الوقت

عزيزي اتمنى تكون استفدت ..

لكن اذا ماعليك امر ، ياليت لو ( تسعفني ) بالكيمياء .. خصوصا ً ان الماده هذي ماني عارف وش موقعها من الاعراب بالضبط

اتمنى تعطيني شرح مفصل لها .. طريقة المذاكره والمذكرات والدكتور الخصوصي .. وانت ماشي
مع العلم ان شعبتي حاليا ً عند دكتور يقاله " عثمان عبدالرحمن فلاته "

شاكر لك مقدما ً .. محبك / مدحدر