[LeLou]

المشاركة الأصلية كتبت بواسطة أبو الفيزياء سلام عليكم كيفكم بداية الله يوفقنا في الترم الثاني جميعا ويالله انا ناخذ معدلات مرتفعة سؤالي هو بالنسبة للي عنده ماده او اكثر اقصد اخذ f يعني صيفي بس سؤالي الي يعيد كم ماده هل يعامل كانه طالب زيه زي اي طالب ناجح ..اقصد.. الماده الي يعيدها الطالب حنكون من كم هل من 100 ولا 80 والنجاح من كم واش اعلى شي ( a . B. C) فاهميني ولما نحسب الماده كيف زي المواد الي نجنا فيها ..اقصد...(درجت المادة x عدد الساعات ) اقصد كل شي طبيعي اخر شي ... ادري انا المفاضلة في التسكين حتكون للناجحين لكن القصد هل الطالب انه يقدر يتخصص باي كلية (((( و هل يمكن انه ينقبل على طالب.. ناجح اساسا.. اذا جاب معدل مرتفع مرتفع وينقبل عليه ولا لما تتعبا الكراسي يبدوا يفاضلوا بين الناجحين والراسبين يعني في فرق . ادري اني طولت لكن خرجت كل الي في راسي ....وسامحونا على الاطالة ..... ههه

و عليكم السلام و رحمة الله و بركاته..

المادة اللي تعيدها درجتها من 100 و النجاح فيها من 60 يعني عادي جدًا..
بس حابة أنبه على نقطة اللي هي أنه المادة لمن ترسب فيها و تعيدها راح تأثر في المعدل حتى لو نجحت فيها بــ 100..
لأنه الدرجتين يدخلوا في المعدل درجة الرسوب و درجة النجاح فهذاا الشي راح ينزل المعدل..

شوف خيو بالنسبة للسؤال الثاني هذا هرجته هرجة..
أول شي التسكين يتم على مرحلتين:
أول شي في نهاية السنه يسكنوا الناس اللي خلاص نجحوا في كل المواد و خلصوا التحضيري..
بعدين بعد السمستر الصيفي بينعمل فرز ثاني للطلاب المتعثرين اللي خلصوا في الصيف..
طبعًا حيتسكنوا بعد كدا حسب الأماكن الشاغرة،، لأنه مو معقول طالب نجح في كل المواد من أول مرة يتسكن بعد أو مع اللي ناجحين من ثاني مرة..
طبعا في تسكين ثالث بيصير بعد السمستر الأول للطلاب اللي باقي لهم مواد ما أخذوها في الصيف أو كانوا معتذرين عن أحد الفصول الدراسية أو بدؤوا دراسة في الجامعة من السمستر الثاني..
طبعا الكليات الصحية ما تتسكن فيها إلا لو كنت ناجح في جميع المواد من أول مرة من غير تعثر..
يعني اللي ياخذوا f في مادة ما يتسكنوا في أي كلية صحية "بس ما أعرف عن الهندسة هذي أسأل فيها الشباب"

و أول شي الواحد ما راح ياخذ في الدنيا هذي غير اللي كاتبه له رب العالمين فعليك بالدعاء و التوكل و لازم تاخذ بالأسباب..

بالتوفيق لك و للجميع و آسفين عالإطالة..