رد: احد يبغى محاسبة عند دكتور زكريا؟؟
ماانصحك عند صادق ترى ماتعرف يجلس يعمل فيها فلة وكلها بتجي على راص الطلاب ماتعرف شوية تحصله يضحك شوية تحصله يشرح ترى يطفش وخصوصا انه كان عندنا من 11 ل 12 وكان ياخد المحاضرة لمن 12 ونص
انصحك بالدكتور محمد الماليزي لو تعرف شوية انجليزي والله دكتور عسل ويطي درجات ويمشي في التصحيح ومتفاهم مع الطلاب ياشيخ العيال من كثر مانهم خايفين من المحاسبة قالو للدكتور نطلع معاك قهوة الدكتور قال طيب وفي الاخير العيال سحبو عليه وكمان ماعمري شفته معصب.... ومتسامح والغياب والحضور مافي وصبور يعني الطلاب كل شوي يسالونه وهو يجاوب ومايطفش وانت زاكر بنفسك والي مو فاهمه روحله وبيفهمك 100% انا اتعب لو مدحتلك هوا بس هوا كويس للي يداكرو الي يحبو الهبقات ماينفعلهم وكمان لازم شويت انجليزي عشان يكون في تواصل
اما بالنسبة للدكتور زكريا والله الناس تقول انه تمام في الشرح بس حقك تاخدو انا نزلت عنده وبنشوف كيف
اما صادق ماعجبني درسنا اسبوع وراح بس يطفش ماتعرف تسمع للشرح وتفهم ولا تضحك والمكشلة مافي شي يضحك بس شرحه جيد جدا مش سئ
|