[Peppermint]

السلام عليكم ورحمة الله وبركاته

كيف حالكمـ ؟؟ \ .؟

حبايبي ياليت أحد يساعدني لأني ماني عارفة إيش أسوي مع الوضع اللي أنا فيه دحين

أولاً أنا من دفعة 2010 يعني السنة الماضية

والحمد لله تم تسكيني في كلية الأعمال ( في رابغ ) << كانت تاني رغبة مو الأولى

اسئلتي:
فين مكان الجامعة في رابغ؟؟ ياليت لو تقدروا تعطوني خريطة لموقعها لأن اللي حيوديني مايعرف ولااااا شي في رابغ,, أو أقل حاجة تعطوني اسم الحي والشارع والمعالم المتواجدة جنبها

هل هناك عمادة في رابغ،، ولا إذا احتجت شي لازم اروح عمادة جدة؟

وهل يوجد سكن للطالبات؟؟ وكيف ممكن أسجل لو يوجد؟ << نقطة مهمممة

ولو في أحد يروح بالباصات من جدة لرابغ، ممكن تعطوني أرقامهم ?!

\\

بالنسبة لهدا الشي

إيش هوا دا..؟؟ يعني هنا تنضاف المواد؟؟
هل أنا أضيفها ولا هم يضيفوها..؟
ولو أنا أضيفها،؟؟ طيب كيف؟ ,, لأن خانة الحذف والإضافة ماهي موجودة
فهموني الله يستر على اعراضكم

وهادي هي المواد الموجودة في الخطة الدراسية للقسم،،

وكاتبين تحت :

*

لابد للطالب من تسجيل المواد عن طريق الدخول على الحذف والاضافة فى الجانب الايمن من هذه الصفحة , ثم التأكد من نزول المواد فى الجدول الدراسي للطالب.

طيب أيقونة الحذف والإضافة زي ماقلت ماهي موجودة

\

وبما إني أنهيت السنة التحضيرية،، ليه كدا

ليه ساعاتي المكتسبة غير عن المسجلة ؟؟ يعني مو لازم تكون 39 ساعة


وبس هدا اللي موجودة حالياً في مخي،، يمكن تطلع أشياء واسئلة أكتر

أرجووووكم ساعدوني الله يجزاكم الجنة يارب