[قلب زوجها]

أوخيتي جيجي الحمدلله على سلامتك وسلامة والدك وماقدامكم إلا العوافي يارب

أولاً : يوم حملتي المادتين أنا موفاهمة هل أنتي حضرتي الاختبار أو لا ؟

بس من يوم قلتي حسبي الله ونعم الوكيل دخلني الشك إنك دخلتي اختبار المادتين

بس بسبب ظروف تعب والدك الله يتمم له بالصحة والعافية ما قدرتي تذاكرينهم وهذا محد يلومك فيه

بس بقولك إذا هما حطولك ( f ) فالله يكون في عونك ، وهذي عشان تنحل لازم تقرير + فيتامين واو = واسطة

وهذي صعبة شوي....لأنها بعد الله عز وجل الحل والربط بيد أستاذة المادتين .

أما إذا فهمي خاطئ ، وأنتي ماحضرتي الاختبار نهائياً ، جيبي تقرير بهالشي وقدميه ويدرسونه مع ناس زيك

ما حضروا وجابوا تقارير ، وبيحددون أيام الإختبارات زي كل ترم .

ثانياً : نصيحة دايم أنا أقولها وهيا شعاري في حياتي

التجربة عمرها ماضرت أحد...... إذا مانفعت مستحيل بيجي منها مضره .

نصيحة لوجه الله : اسمعي كلامي يالغالية :

خوذي تقرير من المستشفى يثبت ماقلتيه وروحي يوم السبت وصبحي أستاذات المادتين

واشرحي الوضع كاااااامل بالتفصيل الممل ، فلربما تلقين باب مفتوح بقدرة رب العالمين

ويقدرون وضعك ، وينزل عليهم ربي الشفقة والعطف والرحمة بحكم إنك خريجة ان شاء الله .

وبتجربتك هذي ماراح تخسرين شي

وإذا ماطلعتي بنتيجة فتذكري أن أمر ابن آدم كله خير ، والخيرة فيما اختارها الله .

وعليك بقول : اللهم آجرني في مصيبتي ، واخلف لي خيراً منها

والله يعوضك خير بهالمادتين ان شاء الله ، ويمتعك وأبوك بثوب الصحة والعافية

وسامحيني على الإطالة بس حاجة كسرت خاطري وحبيت أشاركك لو بالمشورة والدعاء لكم بالعافية والخيرة المباركة

أختك / قلب زوجها .