[LeLou]

المشاركة الأصلية كتبت بواسطة خالد9921 ليلو يبارك بعمرك ويخليك والف مبروك عليكي انتي كمان قولي الحمدلله ترى علوم وبجده مو اي واحد يحصلها كويس مش رابغ والا اي تخصص تعبان وكفايه انو تخصص يمديكي تحولي منه خاصة الحاسب التحويل له سهل مش زي الطب مبروووك افرحي يا شيخه وانبسطي (:

الله يبارك فيك..
الواحد ما يقول غير الحمد لله..
لكن اللي يرفع الضغط خيو أنه معدلي يدخلني طب و يدخلني اللي أبغاه..
و أنا اهلي كانوا رافضين فكرة الحاسب رفض تام..
أنا كل ما تذكر الصراخ و المضاربات اللي كانت تصير عشان ده الموضوع تجيني عبره..
أنا حاربت عشان أقنع أهلي..
و ما أقول اني انتصرت في الحرب بقوتي هم في الواقع استسلموا..
و ما صدقت اني انتصرت يجوا للي في العمادة بكل برود اعصاب يقولوا لنا تبغوا حاسب روحوا رابغ..
كانها رابغ ورا أذننا يعني..
و احنا بنات يعني مو السيارة في يدي و احرك وقت ما بغى..
بس أيش أسوي بصراحة أنا ماني شجاعة زي اختي في الله مسوري عشان اروح رابغ..
انا ما ابغى اشحطط نفسي لساتني صغير لاحقين عالشحططة..
و انا ما عندي استعدادية اعيش في بلد من غير محرم لانه هذا شي محرم و ما يجوز..
و روحة و رجعة كل يوم بباص نو واي..
و حرام بابا اشحططه معايا مسكين عنده الضغط و السكر و تعبان الله يعين..
على قولة أختي يا ريته طب و لا هندسة الواحد ممكن يبلعها و يمشي أما البهدلة دي كلها عشان حاسب..
بعد ده كله ما تبغاني انقهر..
يعني انا الحمد لله راضية لانه انا عارفة انه ما اصابني لم يكن ليخطئني..
لكن كل ما اتذكر المعاناه اللي عانيتها تجيني عبره..
الحمد لله على كل شي الله يصبرنا و يكون في عوننا..
سوري لاني طولت و أنا احكي معاناتي بس هي من جد متعبتني دوبني افتكرتها..

و سوري عالقافة << داخلة عرض..
بس انت تقدر تنزل جدول التسكين من غير نسبتك ادخل على اي برنامج لو حتى الرسام و امسح نسبتك و خلاص خزن الصورة و انتهى ..