[Majed7]

اللــه يسامحك يا تركي بتخليني أكتب رد طويــل عريض ..


الشخص اللي قدامكم أكثر واحد حط قدامه خيــارات في العام الماضي ,, للمعلوميــه فقط أخوكم المخرف ضيع سنه العام الماضي ساطح باطح فوق السرير

نرجع لموضوعنا :-

أرامكــو كانت الرغبه الاولى .. وبعدها البعثه لـ أمريكا - طب - .. وبعدها طب الملك سعود .. وبعدها بعثــه - هندســه - .. وفي الاخير هندسة البترول .!

بديت في تقديم البترول وانقبلت فيه .. وبعدها جاني قبول الملك سعود - تحضيرية الكليات الطبيه - .. وقدمت على ابتعاث وحطونيـ طب في كندا .. وأرامكو قدمت عليها وكانوا طالبين اختبار انجلش ورياضيات ( طنشتهم لاني فضلت الطب على غيره .. رغم انو أرامكو كانت رغبتي لكن الطب غلاب ^_^ )


يعني ولله الحمد انقبلت في كلـ شيء .. فاتني تقديم أوراقي للبترول ( برغبه وتطنيش مني ) ,, وراح عليا موعد أرامكو حق الاختبارات ,, باقيـ مقابله الملك سعود وتقديم أوراقي عشان أطلع فيزا كنديه وقبول ابتعاث الخ ..

أمي الله يحفظها قالت اقعد هنا ولا تطلع - وبعد أسبوع من الحروب الداخليه وافقت أدرس بالملك سعود - ..

دخلت الملك سعود ودرست الترم الاول إلى قبل الاختبارات النهائيه بأسبوع .. والحمد لله كنت جايب فل مارك بكل اختباراتي النصفيه إلا اختبار حاسب نقصت فيه درجه ..

وسبحان الله في وقتها نفسي انسدت عن الجامعه وفصلت ومسلسل مكسيكي كله عشان ما أرجع للجامعه مره ثانيه ..

وقعدت 3 شهور في البيت .. وبعدها قلت لـ اهلي بطلع بريطانيا أدرس مع عيال عمتي ( جهزت أوراقي والفيزا ما اخذت أسبوع ) وطلعت هناك وقدمت على الملحقيه إنهم يضموني بعثه ..

لكن للاسف البعثات مقفله هناك .. بس قالولي نسبتك حلوه ممكن نحول ملفك على أمريكا ( قفلت معاي وقلت ما أبغى إلا هنا ) .. وكلها شهرين إلا وأنا راجع هووون ^_×

رجعت لقيت تقديم البترول خلص .. والملك سعود ما راح يرجعوني لاني فاصل أصلا .. أرامكو قالوا ما ناخذ إلا دفعه نفس السنه .. دراسه براا شلت الفكره من راسي ,, ما بقى خيار محترم إلا جامعه الملك عبدالعزيز والحمد لله قبلوني .. وهــا انا هنا .!


الكلام اللي كتبته فوق ماله دخل في الموضوع بس عشان تاذخون فكره بسيطه عن اللي بكتبه ..

دخلت الجامعه هنا وفيه 3 تخصصات قدامي ..

1- طب بشري .. وبعدها أتخصص مستقبلا مخ وأعصاب .. وإذا الله أعطاني العمر والصحه كملت جراحه كـ استشاري .:)

الميزه في الطب زي ما قال أخوي تركي يمديك تشتغل وتكمل دراسه في نفس الوقت .. هذا شيء مرره حافز إني أدخل طب ,, غير الراتب المريح بإذن الله ^_^

2- هندســه مدنيــه .. والتخصص ممتاز للامــانه لكن أحس إنو فيه اكتفاء وأنا شلت رغبتي من الهندسه نهائيا :)

3- صيــدله إكلينيكيه .. هذا التخصص خلاني أفكر واسأل كثييير لانو دخل مزاجي بقوه

باختصار هوا عباره عن سنتين دراسه بعد الفارم دي ( 6 سنوات دراسه بالجامعه تتخرج كـ دكتور صيدلي ) وبعدها تكمل سنتين في أمريكا وتصير صيدلي إكلينيكي .. التخصص جااااامد بمعنى الكلمه ورابته خيالي .. لكن المشكله اللي راح تواجهنا في معادلة الساعات بعد التخرج

لازم تشتغل 1500 ساعه عشان تقدر تكمل دراسه في أمريكا .. يعني راح يكون فيه توقف اجباري قبل اكمال الدراسه .. والمشكله وزاره الصحه الى الان ما تفرق بين صيدلي عادي والصيدلي الحاصل على الفارم دي - يعني تتخرج كـ صيدلي اللي درس 5 سنوات - :)

وهذي السلبيات راح تخليني أموت مو أحارب وبس على حجز مقعد في كلية الطب بحول الله .. عشان ما أحط لنفسي احتمالات ثانيه فيها من السلبيات ما يشعرني بالغثيان .:)

وبس آسف طولت عليكم ^_^