[سحر البيان]

مهارة اختيار الاجابه الاقرب للاجابه الصحيحة


هذه المهاره جديده هذا الترم تعرفت عليها و حسيت أن الطالبات لازم يعرفوها

كان في سؤال في تست بانك الكتاب و مافيه الاجابه الصحيحة و سألت نفسي ليه الكتاب مصصم على ذا

بعدها عرفت ... أنه عمل كذا عشان يحير الطلاب (( اللي مو ناقصين)) ... و يخليهم يختاروا الاجابه الصحيحة ...


و هذا ينطبق على سؤال باولي و هوند اللي جا في الاختبار ....

و عشان نفهم هذا السؤال .... لازم نعرف شيئ بسيط عن باولي و هوند .... و ايش قالوا

أنتوا عارفين أنه كانت محاولات أنهم يعرفو تركيب الذره ... و منها طمسن اللي قال أن الذره مكونه من شحنات موجبه و ثانيه سالبة و هذه الشحنة موزعه بشكل الشحنه الموجبه جنبها السالبة بحيث تبقى الذره متعادله ..... و ما نجحت الفرضية

و بعدها قام رزرفورد بتجربته ... اللي استنج منها أن الذره مكونه من جسيمات سالبة ( الكترونات) و موجبه ( بروتونات) ... و نيترونات (( متعادله ))...

و بعدها بوهر ( نطقها صح بور )) .... اللي عمل تقريب لشكل الذره و انها عباره عن نواه و تدور حولها الالكترونات في مدارات ..... بعد كده جاء العلم (( اللي حقيقي احترمه جدا و احترم طريقة تفكيره )) ... شرودنجر ... و عالج العملية بطريق رياضية .... و أوجد أعداد الكم الاربعه ....

عشان ما اطول عليكم وصل لان ... كل مدار رئيسي يتكون من مدارات فرعية و هذه المدارت الفرعيه تنقسم بدورها

أظن عندكم فكره من أيام الثانوية .... المهم كل مدار طاقتة 2 الكترون فقط .... هنا جات اشكالية كيف يكون توزيعهم

باولي ... قال أن الكترونين يتوزعوا بشكل ان كل واحد فيهم يدور عكس الثاني ... واحد في اتجاه عقارب الساعه و الثاني مع عقارب الساعه و اذا حبنا نمثلها ... واحد بسهم على تحت و الثاني فوق ....


اما هوند ... قاعدته تختلف ... احنا عارفين ان المدار p مثلا ... فيه ثلاث مدارات فرعية ... و أقصى عدد من الاكترونات يستوعبها كل مدار 2 و العدد الكي للالكترونات في المدار p هو 6 ... طيب لو عندي الكترونين ... يتوزعوا كيف ؟؟؟


هل يتكدسوا في مدار واحد .. أو يتوزعوا في المدارات الثلاث و كيف يتوزعوا ؟؟

هوند نظم الموضوع و قال أن الالكترونات تتوزع فرادي و بعدها تتزاوج...ي لو عندي الكترونين كل واحد فيهم يدخل مدار فرعي ... اما اذا كان عندي أربعه .... في هذه الحاله ثلاث منهم راح يملؤا المدارات الفرعيه ... الواحد الباقي راح يتزاوج مع أي أحد فيه بس بشرط أن يكون دورانه معاكس للالكترون الموجود

السؤال أعطى مجموعه من الاشكال .... و طلب الشكل الذي لا يحقق مبدا باولي

نشوف الاول ... حقق هوند ... ما حقق باولي عشان لو لاحظتوا الالكترونين في نفس الاتجاه

الثاني و الثالث ....2 و 3 ... صح ... المدارات الثلاث متساوية في الطاقة ... عشان كذا مو لازم التزاوج يبدا من اليمين أو اليسار أو حتي يبدأ من النصف ... عشان كذا الشكلين صح ..

الرابع .... حقق باولي ... لكن ما حقق هوند مفروض بدل ما الالكترون تزاوج في في المدار الاول كان الافضل يملئ في المدار اللي بعده .... غلظ

الخامس ... صح ...

السادس ... حقق هوند ... بس ماحقق بولي ... توزيع غلط

في النهاية الاشكال الغلط بصفة عامه .... 1 ..4 ... 6

الغلط حسب باولي ... 1 و 6

الغلط حسب هوند ... 4

لو شفتوا الاجابات ما فيها و لا اجابه مطابقة ... للاجوبه الصحيحه

نختار الاقرب لها ... الاقرب B لان الباقي فيها شكل صح ...

أتمنى الفكره وصلت