[سحر البيان]

في تحويلات ثانية ممكن ما تتدرس أو يدرسوها اللي في الاقتصاد و الاداره

هذه التحويل لازم تعرفوه .... عشان ممكن تحتاجوه لو سافرتوا ....

تحويل العملات .... عشان تحول من عمله لاخرى .... لاازم تكون عارف سعر الصرف لهذا اليوم


و تضرب الرقم في عملتك ....

ناخذ مثال سعر الصرف للجنيه المصري (( هذه في مواقع تفيدك و ممكن تعرفها من التي في أو البنوك )) ....1 ريال يساوي 1.54 جنيه معناه 1000 ريال يساوي 1540 جنيه

مثال ثاني ... سعر صرف الريال مقابل اليورو .... 1 ريال يساوي 0.196 ... معناه 1000 ريال يساوي 196 يورو ...

بهذه المناسبة أتذكر حاجه طريفه لما رحنا باريس ..

دخلنا مطعم صيني في الشانز و طلبنا أكل لي و لزوجي (( الاولاد مايحبوه الصيني)) ... زي ما نطلب في أي مطعم عندنا ....

الاكل جاء عينات و الفاتوره 235 +5 يورو بقشيش .... يعني 1225 ريال سعودي ... قيمة ذبحية عندنا ...

و الادهى رحنا كملنا أكلنا في ماكدونالدز ههههههههههههههههه

ممكن واحد يجي مسرع و يقول ... في برامج و مواقع تحول ... ليه أصدع رأسي ؟؟؟

لازم تصدع راسك ... يعني لما تروح بلد زي كذا تروح و تعمل حسابك ...

كمان تقدر قيمة شيئ ...في اشياء ضروريه مثل الماء مثلا بالرغم اننا شربناه ب 13 ريال معليش ...

أشترينا لعبه 25 ريال و طلعت هنا ب3 ريال هذه مو معليش


المهم أعتقد في الامور الماليه و الوقت لازم نديرها بنجاح ..

بس عشان لا أزعلكم ... ترا بيضنا وجه الشعب الخليجي في فرنسا و عملنا شوبينغ و اشترينا شنطتين عشان نقدر نضف عبشنا ... و هذا و احنا قلنا رايحين سياحه مو شوبنغ