مرحبا ..!!
أنا دحين صرت في المستوى السابع الحمدلله ودخلت مسار خدمة إجتماعية
وإن شاء الله تكون المواد الجية كويسة وربنا يوفقني فيها
طبعاً في المستويات اللي فاتوا فيه مواد عدت عليا رائعة جداً وفيه مواد يبغالها تركيز أكتر شي
حأزكر بعض المواد اللي درستها ومرة عجبتني
.
.
- إحصاء إجتماعي أخدتو مع أستازة أبرار فلاتة ، الأستاذة ممتازة جداً طريقتها حلوة بعد كل جزئية تعملنا إختبار صغير من خمسة درجات وغير الواجبات ،
يعني بتخلينا نزاكر المادة أول بأول وفي النهائي مايكون فيه شي صعب الحمدلله ، الله يزكرها بالخير ويوفقها فين ماتكون .
- علم إجتماع إقتصادي أخدتو مع أستازة غادة أشموني يعني بصراحة على قد ماتعبت في دراسة المادة دي ،
وكنت أكتب أول بأول الكلام اللي تقولو كانت أسئلتها مرة حلوة ، والأستازة تراعي ومتفهمة جداً .
- مدخل رعاية وخدمة إجتماعية أخدتو مع أستازة نادية حجازي أسئلتها واضحة مباشرة وفيها تنوع ،
شرحها عن طريق عرض الشرايح على الباوربوينت وبتكون المزاكرة منها .
- تغير إجتماعي مع أستازة عصمت قاضي ما أقول إلا الحمدلله إني عديت من دي المادة على خير معاها . :(
- علم إجتماع حضري مع أستازة عواطف رجب بكل أمانة الأستازة ممتازة جداً وتعطي كل وحدة حقها ،
كنت أكتب برضو كل كلمة تقولها وبتركز على الحاجات المهمة ، أسئلتها عشان أجاوب عليها يبغالها تركيز في المزاكرة ،
تعجبني أستازة عواطف في طريقة شرحها .
.
.
شكراً غيم لإنك أتحت الفرصة ليا ولغيري في الإستفادة من تجارب البعض
وربي يوفقك