رد: افكاركم ياحلوين
افكار مقتبسة من النت :
هاذي الزفه فستاان العروووس بأجنحه كانها فراشه ..
في البدايه نطفي الانوار وتدق ساعه بيق بن مرتين اوثلاث ومن بعدها يطلع صوت من بعيد
كانه وقع اقدام وبعدها دقة باب وكله مسجل بالصوت تجي وحده من الصغار واحنا ملبسينها
زي لبس الساحرات وبايدها فانوس على شكل يقطينه وتفتح الباب طبعا لازم تكون القاعه مجهزه
قبل من القاعات الي فيها ابواب فوق ونازله بدرج وبعدين لما تفتح البنت تدخل العروس وتكون
الخلفيه لما ينفتح الباب صوت مطر ورعد وترفع البنت الفانوس كانها تبي تشوف من بالباب وقتها
نكون مسلطين النور على العروس كانه نور الفانوس تخيلو شكل العروس مع المكياج الامع والاجنحه
كانها فراشه وبعدها يعم السكون والهدوء وتبداء اصوات العصافير وتنزل العروس من الدرج وتوقف
تحت وتطالع يمين وشمال وتبتسم وتبداءموسيقى كلاسيكيه وهاديه ورومانسيه وتمشي عليها الين
الكوشه وبعدها توقف ونشغل البخار الين تختفي وتباء اغنية انت حلوه مادري لمين بالزبط والبخار
وقتها يتلاشى وتجلس ونجيها بصندوق كبير واثري فيه كل هدايا اهلها ونحطه قدامها ويكون بجنبه
دفتر اثري وقلم من جذوع الشجر كل من جى يهنيها يكتب لها فيه
~~~~~~~~~
كان أسم العروس من 4 حروف تقدرين تاخذين من محلات أشكال قلوب وفيهم مسكة تكون طويلة
شوي..وتكتبين عليهم حروف أسم العروس من جهة والجهة الثاني حورف أسم المعرس.
.وإذا كان عندك أطفال أكثر كل واحد يحمل حرف..البنات يحملون اسم العريس..والأولاد يحملون اسم العروس..
وطبعاً إذا كان القلب أحمر..تكتبين علية بالألوان البراقة بالفضي وإذا كان فضي أكتبي بالأحمر
والأطفال يلبسون رسمي..يعني البنات فساتين مش مثل العرايس..لأ..يكون فستان أبيض قصير.وبسيط
..والأولاد يكونون لابسين بدل سوده وقميص أبيض وكرافه حمراء..من اللي يجون على شكل ورده
بعدما تطفين الانوار واذا كان ودك تكونين من قبل عارضة صورك او شي زي كذا؟؟؟؟؟؟؟؟
المهم....... بعد ما تطفين الانوار اول شي يطلع طفل صغير على صوت موسيقي هااااااااادي وحلو...
~~~~~~~~~~~~
كانت الكوشة عبارة عن فروع اشجار وقش ومليانة فاكهة كانك في الغابة
وكان المسرح كلة شجر وورود وكانو حاطين فاكهة كثيرة في كل مكان كأني في بستان
عند بداية الزفة طلعو 14 بنت كانو لابسين قش حوالينهم زي حقون هاواي وشايلين قبعات فاكهة
وبعضهم معلقين فل وياسمين وعقود وورود كأني صرت في هاواي
حتى الزفة كان فيها اصوات غابات وحيوانات المهم كان منظر من جد حلو على الرغم انة الزفة عادية
~~~~~~~~
فيه أفكار كثير ولو بحثتي في النت راح تلاقي أفضل بكثثثير
أفكااااااااااااااااااااااري :
وبدلي بدال العصير مثلاً يكون ورد طبيعي
وبدال القهوة العربية خليها قهوة تركي
وبدال زفتك بشكل عادي تخلي 3 2 1 وبدها تخرجي على زغاريط ودق دفووووف
ما أنصحك بموسيقى أبداً أبدأي حياتك برضى الرحمن
وأهم شيء في الحياة تهتمي بالغرفة اللي راح تجلسي فيها أنتي وزوجك بإذن الله
يكون فيها هدية منك له << مفاجأة
ويكون فيها شموع والنور مطفأ << بدال التوتر والقلق لانها أحلى لحظات الحياة
وكمان فيها صوت طبيعي زي مو البحر مع شلال الموية فيه منها برخييييييييييييييص
والقاتوه كليها انتي وياه في الغرفة بدال ماتكون قدام الناس وخليها بشكل غير عادي عليها صورته او قلب وبداخله أسمه بس بدلع * - ^
البسطة والسعادة لك وله مو للناس
يارب ربي يفرح قلبك وخاطرك يااااارب
|