[! سلطـــان !]

عليكم السلام ورحمة الله وبركاته

الاخ ماليزي ما قصر معك

اضافة لما تفظل به :

قبل كل شيء لازم يكون التخصص الي تبيه متوفر بالتعليم عن بعد

ثانيا بخصوص الحضور امرها سهل تقدر تحضر نفسك وتشوف شغلك واذا ما تقدر تاخذ الاب توب معك للعمل اي شخص يقدر يسجل خظورك

وتقدر اذا تعرفت ع طلاب شعبتك تكلم اي واحد فيهم يحضرك عادي نقدر ندخل بأكثر من يوزر ع المحاضرة

كل ما كان عدد طلاب الشعبه كبير ماراح يلاحظ عليكم الدكتور بالحضور بس اذا العدد قليل ممكن يلاحظ عليكم وينادي عليكم بالاسم

غير كذا الدكتور فايز حابس ذكر لنا ان الي يدخل المحاضرات المسجلة يحسب له حظور موب شرط يحضر المحاضرات مباشرة ولكن ما اقدر ااكد لك هذي المعلومة لازم نتاكد منها من العمادة

في كويزات ( اختبارات قصيرة ) ع حسب مزاج الدكتور بعضهم يضع لك 5 كويزات ع مدار الترم وبعضهم 10 كويزات

والاسئلة بالغالب تكون صح وخطا وخيارات ولكن تخصص الانجليزي ما اعرف بالضبط نوعية الاسئلة

وممكن طلاب الشعبة الوحده يتساعدون بحل الاختبار ويرسلون الاجابة لباقي الطلاب عن طريق قروب خاص فيهم

الاختبار يكون له مهله اسبوع مثلا للدخول عليه او ثلاث ايام واذا دخلت ع الاختبار عندك وقت معين مثلا 10 دقايق لازم تحل بخلال هذي المدة الاختبار والا يقفل عليك

والواجبات بالمثل يعطيك مهله مثلا اسبوع او 5 ايام وعادي تقدر تدخل عليه اكثر من مره وعندك الوقت الكافي عشان تحله

وكلها واجبات واختبارات سهله نوعا ما

ان شاء الله اكون افدتك

بالتوفيق