 انا قسمي علم نفس جدا رائع مو عشنو قسمي بس لانه هوا رائع ممتع ومجالاتو في العمل اخصائية في مستشفى دار معوقين وووو مجالاتو كثير عموما نصحية لوجه الله لا تفكري في الوظيفة الان فكري انه طلب علم لله عشان ربنا يباركلك تاني حاجة اقل معدل قبول 3,75 من 5 .
وفي كمان قسم اعلام اقل معدل قبول 3,50 وتجيبي في العربي ومهارات الاتصل ما لا يقل عن 80 والقسم جيد للي يحبو الصحافة في مسار علاقات عامة بس للانتساب مو للانتظام والمسار التاني صحافة وماصحافة والكلام هادا ومجالاتو اعلامية
في ادب انجليزي ياخد اقل شي 4 ولازم تجيبي 95 في الانجليزي الترم الاول والترم التاني وقسم رائع
في قسم فرنسي ياخد اقل شي 3,75 اعتقد بس اهم شي تجيبي 90 في الانجليزي ترم اول وترم تاني وعلم اجتماع اقل شي 3 ماعندهم مشكلة وفي مسارين مسار خدمة اجتماعية دا حلو يعني تشتغلي في علاج المجتمع المخدرات او السجون الكلام دا يعني
اما باقي اقسام كلية الاداب سواء تاريخ او جغرافيا او لغة عربية او دراسات اسلامية وعلم معلومات مالهم معدل لو ان شاءلله معدلك 2 يقبلوكي
بعدين في كلية الاقتصاد المنزلي
اقسامها تشمل
تربوي و دراسات طفولة و فنون اسلامية دا بالنسبة للاداري وماعرف كم المعدل بس انه المعدل العام للقبول في الكلية اقل شي 70%
وفي كلية الادارة والاقتصاد اقل شي المعدل العام لقبول الكلية 76% وفي قسم قانون وادارة عامة اما باقي الاقسام كانت للاداري واصبحت للاسف للعلمي
وانصحك نصيحة حاولي معدلك لا يقل عن 4 وان شاءلله ربنا يكتبلك الي في الخير واستخيري ولا تفكري في الوظيفة لانه مافي حاجة مالها مستقبل ممكن تدخلي قسم جدا مرتقي بس تفشلي ويتدمر المستقبل وممكن تدخلي قسم عادي مالو سمعة بس تجيبي درجات وتبني احلا مستقبل فكري في ميولك ولا تسمعي لكلام الناس الي يقلك ادخلي دا ولا تدخلي دا ركزي على مستقبلك بنفسك والله ولي التوفيق
|
مشكورة يالغلا ..
مرة استفدت من معلوماتك والله ..
طيب انا سمعت ان علم النفس كل شي حلو فيه ماعدا الكتب !!
اللي حولي يقولون انها من اشكال الكتب الكبيرة والقديمة واللي يالله تحصلي المعلومة منها
>> الكلام ذا صح ؟؟
وغريبة والله المعدل 3.75
اذكر اخر مرة 3.50
بس يالله الله يسهل لنا ..