[ابتسامت شهيد]

أببدع في القصيـد اللـي يكـدّر راعـي الفلـه
وأبكتب في القوافي اللي تزيح الهم عن صـدري

وأبكسر حاجز ( الروتين ) وأنتي مثـل خلـق الله
محيتك من خفوقي قبل انا ما امحيك من فكـري

أنا قلـبٍ وقـف نبضـه وحـزن وروح معتلـه
ولا عادت تناسبني عبارة (( يا بعـد عمـري ))

وأنا في الحب لي ملـة ولـك أنتـي ميـة ملـه
ولك كذبك ولك غدرك ,, وأنا مالي سوى شعري

ترى بعض الغلا ينعـاف لا مـن خالطـه ذلـه
درست إني أعز النفس وأرقى فوق من صغـري

انا ولد العلي ,, ودرب الـذل مـا أدلـه
وابيع أغلى محبيني ولكـن مـا نقـص قـدري

ترى ما كنت أحبك موت ابـي تصفيقـة الشلـه
ولا هـوب الطمـوح إن الجميـع بحبنـا يـدري

عرفت إني ( علي ) لو زادت بي العلـه
سكوتي عن تفاهاتـك حشيمـة حبنـا العـذري

تمنيت الغلا بعضه وانـا مـا ابـي الغـلا كلـه
على لسانك تكسّـر كـل حلـمٍ والجفـا يطـري

غموضك شئ ذابحني عجـزت ايـام عـن حلـه
وإذا كنتي تلوميني على هالصمت ,, من عذري !!

وأنـا دايـم إلا منـي بغيـت الشـئ اوصـلـه
واشوفك كل ما قربت يمك زدتـي فـي هجـري

ما عاد ابغى دفا شمسك وقلبك مـا ابـي ظلـه
وما عاد ابغى تحبيني وحرفك يرفضـه سطـري

سمعت إن العرب قالوا (عدوك وش تبـي خلـه)
وانا كلي ترى ضدك (خفوقي وحرفـي وحبـري)

وسمعت ( إن الخليل إليا تضايق راحتـه خلـه )
وأنا عكس الخلايق يفرح الخـلان فـي كسـري

صبرت أيام ,, إلا شهور ,, ألـمّ الجـرح وأفلّـه
ولو إن الصبر ينطق تعجّب مـن كثـر صبـري

حرام إني ما عاد اشتاق لـك لـو كنـت متولّـه
خذيتي قبل احساسي ,,, تعالـي جربّـي نـذري

وأنا لو كنـت أبنـوي لـك زعـل وأدوّر الزلـه
لك الله كان فارقتـك قبـل أهـواك مـن بـدري


.

اتمنى ان تنال اعجابكم