[أبو فاتن]

المشاركة الأصلية كتبت بواسطة zeezo:9 لو أخذتها عند الدكتور الرائع فؤاد برادة الله يطول عمره مارح تسمع الي يقولوا عنه وبالعكس رح تدعيلي وتدعيله وأنا مع أبو فاتن في ناس ما تخاف الله وتقول معلومات ما عندها أدنى خلفيه عنها بس ما يصير نعم على الناس كلها لأن كذا بنظلم الاغلبيه الي ينتظروا ولو دعوة في ظهر الغيب والانسان الذكي يعرف يمشي بمستقبله عدل وما يسأل إلا المجربين ويسأل مجموعه عشان يعرف أجمعوا على شي واحد مو ياخذ رأي واحد ما يدري وين الله حاطه ويتوكل على كلامه !!! وما يحتاج أحد يمشيه والسالفه كلها مشوره "وماخاب من استخار ولا ندم من استشار" واذا شايف انه مساعدتنا للي فاتح موضوع ومتعني ويبي يسأل ويطمن أنها فلسفه على راسه الله يعلم مافي القلوب وإنا كنا زيه ونبي المشورة والحمدلله بعد المشوره من أهل الخبرة مستوانا ارتفع اكثر مما كنا نمشي على عمى !! وبالله التوفيـــق

جزاك الله خير على كل كلمة كتبتها وعلى أسلوبك الراقي
وحاب أقولك الله يحفظك أنه سبحان الله يبان الأنسان اللي يبي الخير بكلامه واللي تكون سريرته نقية بنقاء الثلج الأبيض حتى لو قسى بألفاظه شوي وأنت كنت خير دليل على ذلك صدقني حتى لو أختلفنا مو مشكلة لأن الأختلاف المنطقي والمغلف بالأحترام لابد وأن تزهر أغصانه بشيء من الفائدة والمعرفه وهذا هو المطلوب

حبيت أقولك أني ماعممت وأني عارف أنه فيه ناس تبي الخير لأخوانها بس العكس هو الغالب وصدقني صعب هالأمر خاصة يكون موضع تجربة لأنها مادة وتعدي ومعدل وينزل وصعب التعويض خاصة في المراحل الأخيرة

عشان كذا حبيت أقول لصاحب الموضوع إنه يعتمد على نفسه لأن الشخص إذا كان صاحب الأختيار أحساسه بالمسؤولية راح يكون مضاعف

أما موضوع المواد الحرة يمكن أنت أخذتها وأستفدت منها بالأسلوب اللي ذكرته في وقت سابق ويمكن غاب عنك أني نبهت بأن سياسة الدكاترة تغيرت عما كانت عليه .. راجع ردي لتعرف قصدي

عموماً أشكرك وآسف إذا كلامي ضايقك وبالنهايه هي حرية تعبير وحرية مطلقة للشخص اللي يبي مادة حرة