[Esraa.MD]

المشاركة الأصلية كتبت بواسطة البتول 2010 جبتها ع جرح انا من بداية السنة وانا افكر بتخصص استمتع بدراسة ومره ما فكرة بالوظيفة لان الرزق بيد رب العالمين مو بالدراسة في واحدة مطفشتني تقولي شوفي فلانة وعلانة تخصصها كذا ومااخذيني الامتياز ودحين قاعدات بالبيت ضغطي يوصل لمليون ابوصل لها ان الرزق مو بالتخصص والدراسة الرزق بيدالله والمشكلة ثلاث ارباع التحضيري نفس تفكيرها وكويس اطرقتي الى هالنقطة اتمنى تتكلم عن تخصص علم نفس بشكل موسع وعن موادك لان في ناس محتاجة تعرف عنه وجزاك الله يا قلبي ع المعلومات اللي افدتنا

انا عارفة انه اغلب التحضيري كدا يفكرو يا جماعة فعلا كل شي بيد الله اجعلو هدفكم انكم توصلو لاعلا المراتب انه تكسبو علم لله لا تفكرو ابا اتوظف واتوظف
وحاضر حاتكلم عن قسم علم النفس اول شي في ناس دايما لما تقولي علم نفس وعلم اجتماع يكفرو انهم زي بعض لا في فرق علم النفس يتكلم عن الانسان بذاتو من وهوا مولود الين الشيخوخة اما علم الاجتماع لا فهوا يتكلم عن المجتمع والمجتمع والكلام دا
فعلم النفس ندرس عن الامراض النفسية الي تصيب الانسان وندرس عن ميلاد الطفل عندنا مادة اسمها علم نفس نمو كل ش يعني الطفل والمولود والمراهقة من حيث التربية والنفسية والامراض الي تصيبو وكل كل كل شي يخطر في بالك حتى عن اسنانو متى تطلع ندرسها متى يبدا يمشي متى يبدا يتكلم متى يبدا يصاحب ومتى يبتسم للناس ولما يسير مراهق كيف اتعامل معاه وزي كدا والهرمونات والغدد الي بتاثر في الانسان
وفي عندنا مادة مقياس نفسي واحصاء نفسي نعمل مقاييس نفسية في المعمل ونطبقها على الناس من ناحية اختبار الذكاء اختبار الشخصية المهم كلها اختبارات تحليلية تتعلق بالانسان زي ماتقولي حللي شخصيتو وووندرس كمان في مدخل علم النفس عن انواع الذكاء ازا انتي تعملي كدا معناتو ذكائك كذا سواء عاطفي او لغوي او ...الخ وندرس كيف نحسب الذكاء بالقوانين وندرس انواع الشخصية هادا شخصيتو كزا كيف تعرفي انه هوا شخصيتو كدا كيف تتعاملي مع الشخصية دي في مادة صحة نفسية في علم نفس عيادي تتكلم عن الامراض النفسية وعلاجها في علم نفس معرفي وعلم نفس اجتماعي وعلم نفس شخصية وعلم نفس فسيولوجي كئنو احياء زي الاحياء تدرسي عن الاعصاب والهرمونات وزي كدا وناخد مادة توجيه وارشاد وناخد علم نفس فئات خاصة دا حق ذوي الاحتياجات الخاصة كيف تتعاملي معاهم سواء توحد و..الخ وناخد علم نفس تجريبي دا ندرسو في المعمل وناخد علم نفس فروق فردية ندرس الفروق وكمان ناخد علم نفس جنائي طبعا من اسمو عن الجنايات والمجرمين والقضايا حقتهم وكيف نعالجهم وعناخد علم نفس تربوي وناخد مادة التاثيرات النفسية لوسائل الاعلام انه كيف تاثر وائل الاعلام في نفسة الاشخاص وفي كمان مادة علم نفس مهني حلوة برضو وفي كمان نصوص نفسية باللغة الانجليزية هادي تدرسي المصطلحات حقت علم النفس الامراض والاسامي عموما في كل قسم لازم تدرسي مصطلحاتو لازم تحطي المعلومة دي في بالك حتى التاريخ عندهم مصطلحات بالانجليزي ونرجع لموضوعنا
ولحظة التخرج عندك حرية التدريب تروحي تتدربي في مستشفى وتطبقي المقاييس النفسية وتشوفي الامراض حقت الناس وكدا وعلاجها المهم تكوين اخصائية نفسية
او تروحي دار معوقين تدربي عندهم عموما مجالاتو كتير وتستمعي جدا جدا وانتي بتدرسي تعرفي معلومات قيمة جدا يعني زي ماتقولي تسوية سلوك وقسم رائع ومفيد في الحياة العلمية والعملية
وربنا يوفقك ويخترلك الي في الخير انا كدا اتكلمت بتوووسع عن قسمي زي ماطلبتي وتنورونا ان شاءلله في القسم وربنا يفتحها في وجهكم
واي سؤال او استفسار انا حاضرة