[مهندس الزعيم]

ee311 , ee301 ما يدرسها الا دكتور واحد ....
ee301 السيركت : يدرسها الدكتور الشنقيطي عمره تقريبا 65 الله يعطيه طولة العمر المادة اوبن بوك : ومادة دسمة شوي والدكتور يعطي كويزات اسبوعيا يعني 15 كويز في ظهرك لازم تاخذها و2 ميجور وفاينل ومالها معمل وكل الاختبارات مسموح انك تفك الكتاب .. في هالمادة ركز على اوراق اشرف بركات وسيبك من شرح الدكتور لانه مستحيل انك تفهم منه مع الخط الجميل الواضح ..
بس المشكلة ان الدكتور يمنع انك تدخل اوراق اشرف معاك الاختبار يعني الله يعينك لما الدكتور يشرح انت خذ اوراق اشرف وانسخها في الدفتر وطنش شرح االدكتور علشان تدخل الدفتر معاك في الاختبار .. لانه يقول فقط تدخل الكتاب او شئ كاتبه بيدك .. المادة فيها مشروع في اخر الترم وعليه 5 درجات والكويزات عليها 15 درجة و40 على الميجورين و40 على الفاينل . حاول تذاكر المادة اول باول لانها صعبة ودسمة وتعتمد على الرياضيات كثير خاصة رياضيات 204 ( لابلاس ) .
ee311 الكترونيات : المادة يدرسها الدكتور سليمان مهدي هو هندي اظن وعمره 71 الله يعطيه طولة العمر :
المادة متوسطة الى سهلة بس فيها كرف غير طبيعي وتشغلك عن باقي المواد :
3 اختبارات ميجور من 8 درجات
فيه كويزات تقريبا عددها 9 كويزات وعليها من المية 5
3 واجبات وعليها 5 من 100 < لا تضيع الواجبات كلها تحلها من السيلوشن منوال
4 سيموليشن < يعطيك دوائر كهربائية تحلها بواسطة برنامج orcad
2 ديزاين < فيها سيموليشن وفيها حسابات
السيموليشن والديزاين عليها 8 درجات
المعمل يدرسه المهندس المصري عبدالمطلب :
المهندس شرحه جدا ممتاز وراح تتفهم في المعمل اكثر من المحاضرات
تقريبا 7 تجارب وكل تقرير تسلمه في وقته والتقارير عليها5 درجات واظن الحضور عليه 5
فيه تجربة خاصة ( يعني انت تشتري الادوات كلها وتجي في المعمل وتسوي التجربة ) عليها 3 درجات
فيه اختبار معمل عليه 6 درجات
فيه مشروع عليه 8 درجات
اختبار نهائي للمادة عليه 36 درجة بالنسبة للدكتور شرحه ممتاز وتستفيد منه وحاول تكتب معاه اول باول لان المادة مالها ملخصات ... يمكن في البداية مارح تفهم منه خاصة في الديود لن في بعدين راح تفهم كثير ... يعني ركز على شرح الدكتور واكتب معاه

المجموع النهائي 105 من 100 ( يعني 5 بونس )
باختصار المادة كمنهج سهلة لكن فيه كرف طبيعي يعني يبغالك لياقة على شان تمشي فيها ,,,

وبالتوفيق ....