السلام عليكم ورحمة الله وبركاته
انا اؤمن انو سبب معدلي المنخفض و اهمال الدراسه هوا عدم استغلال وقتي و ضياعه
يومي كله بيروح في الجامعه و النووووووووم و التسليه سواء بالنت ولا التلفزيون
يعني من ارجع من الجامعه اكون منتهيه عالاخر انام 4 ساعات لاني من 8 الصبح وانا من مبنى لمبنى و الشمس تسلخ فيا (مجهود جسدي وعقلي )بعدين اصحى اكل و اتفرج تلفزيون ولا اجلس عالنت و فجاءه تسير الساعه 12 فاروح انام ...كل يوم على نفس الحاله تعبت هادي مهي حياه
اهم ايام حياتي الي بعد كدا حيتحدد فيها مستقبلي بتضيع و ما بستغلها بشكل صحيح
انا عارفه انو بامكاني اوفق بين النوم والتسليه والمزاكره بس مني عارفه اش اعمل فحبيت اسالكم
كيف تقضو يومكم ؟ يعني من ترجعو من الجامعه اش تسوو تنامو ولا تزاكرو ولا تتسلو باي حاجه
تعبت لانو وقتي بيضيع .ما بعمل حاجه مفيده ليا ولا لغيري قررت باذن الله لهادا الترم انو ازاكر كل يوم بيومه حتى لو اتصفح الدروس بس اهم شي الحق نفسي قبل ايام الاختبارات
اتمنى تساعدوني
