بنات كــــــــــــــــــــيفكم ؟؟
بس كنت ابغى مساعدتكــــــــــــــــــــــــــم
في الجدول
انا معدلي نازل
وابغى ارفعوا دا الترم عشان كدا بس راح انزل مواد سهلة
طفشت من ال ffffffff
كل ترم
و دي المواد الي خلصتها راح احاول افيدكم فيها
ايض 1 طبعا خبيرة فيه لانو اخذتو مرتين
بس من خبرتي اكتشفت انو الدكتوره نجوى مررا طيبه بس هي دحين مافي
احياء دقيقة اخذتها مع دكتوره مراا مي كويسة اسمها اظن لبنة كانت اختبارتها كلها سؤالين ودش بس الحمدلله جبت معها درجة حلوه والمعمل حق دي المادة عادي اصلا اغلب معامل الاحياء سهلة
تغذية مرا حلوة والدكتوره كمان مرا طيبة تنجح كل البنات اخذت معاها 85 وانا مااسوي شئ
كيمياء حيوي اخذتها مع سوسن خوجه كمان مرا طيبه وتساعد البنات انصح البنات ياخذوا معاها
كيمياء 202 مممم يعني المادة دي يبغالها مذاكره بس الي راح ياخذها ياخذها مع دكتوره اسمها ايمان ويركز في المراجعه تقول اسئلة الاختبار لمن اخذتها معاها كد كانت مدري دحين
احياء 281 مرا سهلة وحلوة وكل الاساتذه طيبين
مصطلحات مع هالة المادة مرا حلوة وسهلو وتجيبي درجات بس هي حفظ
احياء 222 اخذتها مع د\عواطف تساعد في الدرجات
كمان اخذت طاقة مع الدكتوره صفاء درجاتها حلوه
انزايم مع وديعه صراحتن شرحها اقل من العادي ومو مرا
والمعمل حقها انتبهوا اذا اخذتوا مع وحد اسمها منى اعلى درجه تعطيها البنات هي 19
انا جبت 18 وانا اسلم كل شئء وماعندي غيابات واختباراتها مرا صعبة
والي تاخذو مع وديعه تدور على النماذج تجيب نفسها
اخذت فلك مع دكتور مجدي بس مو مرا حلوه الماده يمكن عشان انا مااحب الحسابات
بس دا الي فاكره
ياليت يابنات تقولولي ايش انزل دا الترم ابغى مواد سهلة
مشــــــــــــــــــــــــــكوريــــــــــــــــــ ــــــــــــــــــــــن