[m0o0na]

،’
وعليكُم السلآم...؛

المشاركة الأصلية كتبت بواسطة Taru-Chan 1) أنا راسبة في المادتين فيزياء ورياضيات وأبغى اخذها في الصيفي كيف حيصير يعني حيسألوني ولا كيف وكم المدة حأخذها في شهر ومع بعض؟؟ وكمان هل حتاثر علي يعني لو نجحت فيها؟؟

،’
الله يعوضك خير..؛
همآ رآح يحددوآ مدة لإضآفة الموآد بآلصيفي..
واللي عندهُم موآد رآح يظهر لهُم بآلآوديس ايقونة( الحذف والاضآفه)
من خلآلهآ يضيفوآ الموآد اللي بقيت لهم..
و عدد الوحدآت المسموحه بآلصيفي 9 سآعآت..
يعني تقريبآ 3 موآد..
::
مآرآح يسآلوكٍ ؛ لآزم انتي بنفسك تضيفيهآ من الاوديس..
،’
مدة الصيفي تقريبآ شهر ونصف..
مآرآح تآثر كثير ..يعني الزيآدة حتكون بسيطة بآلفوآصل..؛

2) أبغى اعرف دحين نسبتي ألي من 5 هل حتزداد لو جبت في الفصل التاني احسن ولا كيف طريقتهم في النسبة التراكمية ووو؟؟

لو شديتي حيلك الترم الثآني ؛ رآح تزيد ان شآءالله..؛
::
طريقتهُم :
تآخذي معدل الترم الاول × عدد سآعآته.. =[ النآتج 1]
تآخذي معدل الترم الثآني × عدد سآعآته.. =[ النآتج 2]

النآتج 1 + النآتج 2 = [ النآتج 3] ÷ مجموع عدد سآعآت الترمين..

مثلآ :
اخذتي معدل 3.5 الترم الاول ..وعدد سآعآته 14
واخذتي 4.5 الترم الثآني ..وعدد سآعآته 11

حتقولي 3.5 × 14 = 49
و 4.5 × 11 = 49.5

بعدين تآخذي النوآتج..
49 + 49.5 = 98.5
ومجموع عدد سآعآت الترمين.. 11 + 14 = 25

فـ تآخذي 98.5 ÷ 25 = 3.94
وبكذآ طلعتي معدلك الترآكُمي للفصلين..

3) وكمان أنا متى رح يسالوني على القسم ويخيروني من دحين ولا الفصل التاني وبعدين قبل ما أخذ المادتين ولا بعد ولو مثلا المادتين زودتني هل حيعيدو التفكير في القسم ولا شو؟؟

،’
في منتصف الترم الثآني رآح يقولولكُم رتبوآ التخصصآت..قبل مآتآخذي المآدتين يعني كلكُم في نفس الوقت..
وحتكون من خلآل الاوديس ..ايقونه ( طلبآت التسكين)..
على شكل قآئمة فقط ترتبيهآ..
::
اللي نجحوآ حيتسكنوآ على طول وتظهر نتآيجهم بعد انتهآء الترم الثآني..
لكن اللي عندهُم صيفي تظهر نتآئجهُم بعد مآيخلصوآ الموآد..
وإذآ نسبتك حققت النسبة العآمة والخآصة للكُليه رآح تدخليهآ بإذن الله..؛

4) أنا بدي أدخل كلية علوم حاسبات وتقنية معلومات سمعت نسبتها 4 ونص ودحين قرأت 83 هل صح؟؟ وكمان أنه لازم الأنجليزي والحاسب فوق 85 صح؟؟ كمان سمعت في انجليزي 5 أختياري دحين لو أخذته هل يرفع معدلي وقد أيش؟؟ وهل تنصحوني اخذه؟؟

،’
كُل دفعة بتتغير النسبة والمُعدل على حسب الشطآرة..؛
لكن انتي سيبي الكلآم دآ واجتهدي وشدي حيلك وان شآءالله رآح تدخليهآ..
العآم كآنت النسبة العآمة عشآن تنقبلي بآلكُليه 83 ..
مو شرط يكون الانجليزي والحآسب فوق الـ85 ..
لكن متوسط مجموعهُم مآيكون اقل من كذآ ..هذآ اذآ تبغي تختآري المكآن ..( سليمآنيه او فيصليه)
::

انجليزي ليفل 5 ..
اعتقد والله اعلم دآم انه اختيآري مآرآح يدخل بآلمُعدل..

5) نفسي أستفسر عن الفروع حقت القسم أنا شفتها وبدي أدخل تقنية معلومات أنا سمعت أنها تميل اكتر للبرمجه والعملي لأنه أنا احب أسوي برامج وأحب أتعلم لغات ونفسي لو أعرف كم لغة ممكن يعلمونا هي وكيف برأيكم وحده ما تحب النظري كتير قد العملي هل داه الفرع ينفع لي ولا لأ؟؟

،’
يب .. التقنيه اكثرهآ عملي وبرمجه..

وتقدري تزوري قسم الحآسبآت ورآح تعرفي الفروقآت..
http://www.skaau.com/vb/forumdisplay.php?f=156

6) ودحين من جهة التسكين في السليمانية كيف يعني قما أبغى أدخل داه القسم أيش الاجرائات والأشياء المطلوبة؟؟

،’
مآفي اجرآءآت ولآ حآجه ..
بس عليك ترتبي الرغبآت في الاوديس ..
واذآ حققتي النسب .. رآح يحطوكٍ على حسب رغبتك..
مآحققتي ينظروآ للرغبة اللي بعدهآ .. وهكذآ..


::
وبـآلتوفيق للجميع..؛