[أبو فاتن]

خذها مني وأنا أخوك ( لا تسمع كلام المنتديات ) نصيحة عانيت منها شخصياً بهالترم من ناس ماتخاف الله
إن خذيت فيها خير وبركة وإن ماخذيتها أنت حر
لاتخلي أحد يجي ويتفلسف على راسك هنا ويقولك أنا و أنا و أنا
الأفضل إنك أنت اللي تقول كلمتك
المواد الحرة الحين ماصارت مثل أول ,, المواد الحرة تغيرت سياستها كلياً والسبب هم الدكاترة أنفسهم
تعرف ليش ..؟ لأنهم صاروا مايبون موادهم تكون ( كبري معدل ) الرجال يفحط بشهادة الدكتوراه ( هذا إن كان آخذها بجدارة وماجاء إسمه من ضمن الأسماء اللي أعلنت عنهم بعض الجامعات الأمريكية في وقت سابق أنهم لاينتمون لها ) ويجي الطالب ياخذها لسهولتها فتنبهوا لهالشي بهذا الترم ودخلوا تحدي مبطن مع الطلاب والحين راح أرفق لك عدة روابط لإثبات صحة ماأقول بس قبل الروابط حاب أقولك وأقول لغيرك من أخواننا الطلاب لا تاخذون بكلام أحد
أتعبوا الله لايهينكم بالبحث عن المواد الحرة بشكل يخالف توقعات بعض الدكاترة
لا يجي واحد ويقولك هذا الدكتور طيب وبن حلال والثاني يجي ويقولك المادة سهلة
خذ المادة اللي أنت تشوف إنها تناسبك بعد ماتشتري كتابها الله لايهينك وأطلع عليها وعلى المفردات بعدين إسأل عن الدكتور وقبل كل هذا توكلك على الله
الناس تقول الرأي العام دكتورها طيب زين طيب بس وش ينفعني طيبه وهو خاسف بدرجات الطلاب والكل متأكد إنه حل تمام
http://www.skaau.com/vb/showthread.php?t=325464

ويجي البعض ويقولك لا لا مالك عن مادة تاريخ العلوم العربية
http://www.skaau.com/vb/showthread.php?t=326973

ويجيك واحد مسوي نفسه بن تيمية ويقولك التفسير ياهي مادة والله مافيه مثلها مع الكتشب للمعدل
http://www.skaau.com/vb/showthread.php?t=310280

أما عاد اللي مدرعم ومايدري عن السالفة ولا يدري من دكتور المادة الحرة اللي بياخذها تغير والا ماتغير أكيد بقولك مادة الإقناع ترها تيرمومتر بلس المعدل ( أقول ما أظنك بتاخذها عند هالدكتور لأن دكتورها الأول تغير اللي هو أنمار الله يذكره بالخير )
http://www.skaau.com/vb/showthread.php?t=326407


زبدة الموضوع وأنا أخوك أعيد وأكرر لاتعتمد على كلام المنتديات

أشكرك وآسف على الأطالة


الظاهر إني بحط هالجملة بتوقيعي عشان خاطر عيون حضرة الإدارة

اللي عاجبه كلامي حياه الله وعلى عيني وله مني كل إحترام وتقدير حتى لو أختلفنا أختلاف محترم بحدود الأدب أما اللي مو عاجبه كلامي ومو هاضمني يحترم نفسه ولا يرد لأنه مو مجبور إلا أن يكون ملقوف