السلام عليكم ورحمة الله وبركاته
وعليكم السلام ورحمة الله وبركاته
داه أول موضوع لي هنا وللآسف موضوع نفسي ما كنت ابدأ به
المهم أحتاج مساعدتكم لو تكرمتوا في أشياء ممكن؟
موجودين بالخدمة وان شاء الله اقدر افيدك
1) أنا راسبة في المادتين فيزياء ورياضيات وأبغى اخذها في الصيفي كيف حيصير يعني حيسألوني ولا كيف وكم المدة حأخذها في شهر ومع بعض؟؟ وكمان هل حتاثر علي يعني لو نجحت فيها؟؟
بعد ما تخلصي السمستر الجاي رح ينزلوا لك المواد في ايقونة اتوقع حذف واضافة تضيفي المادة الي تبين تدرسيها وبعدين رح يحددوا لك موعد بداية الترم الصيفي .بالنسبة للمعدل رح تزيد عندك الساعات المكتسبة 3 ساعات لك مادة .والمعدل رح يتضرر كثير يعني حتى لو زاد رح يزيد زيادة طفيفة
2) أبغى اعرف دحين نسبتي ألي من 5 هل حتزداد لو جبت في الفصل التاني احسن ولا كيف طريقتهم في النسبة التراكمية ووو؟؟
مثل ما قلتلك اول تزيد لكن بشكل طفيف
3) وكمان أنا متى رح يسالوني على القسم ويخيروني من دحين ولا الفصل التاني وبعدين قبل ما أخذ المادتين ولا بعد ولو مثلا المادتين زودتني هل حيعيدو التفكير في القسم ولا شو؟؟
انتي رح ترتبي رغباتك زيك زي اي طالبة لكن نتيجت تسكينك رح تبان لك بنهاية الترم الصيفي
4) أنا بدي أدخل كلية علوم حاسبات وتقنية معلومات سمعت نسبتها 4 ونص ودحين قرأت 83 هل صح؟؟ وكمان أنه لازم الأنجليزي والحاسب فوق 85 صح؟؟ كمان سمعت في انجليزي 5 أختياري دحين لو أخذته هل يرفع معدلي وقد أيش؟؟ وهل تنصحوني اخذه؟؟
بالنسبة لسؤالك هذا والله ما اقدر افتيلك صراحةً
5) نفسي أستفسر عن الفروع حقت القسم أنا شفتها وبدي أدخل تقنية معلومات أنا سمعت أنها تميل اكتر للبرمجه والعملي لأنه أنا احب أسوي برامج وأحب أتعلم لغات ونفسي لو أعرف كم لغة ممكن يعلمونا هي وكيف برأيكم وحده ما تحب النظري كتير قد العملي هل داه الفرع ينفع لي ولا لأ؟؟
والله اذا شايفه نفسك فيه ليش لا
6) ودحين من جهة التسكين في السليمانية كيف يعني قما أبغى أدخل داه القسم أيش الاجرائات والأشياء المطلوبة؟؟
ما فيه اجرائات ولا وجع راس انتي رتبي الرغبات وشدي حيلك وهم عليهم الباقي
شكرا جزاكم الله خير آسفة لو طولت عليكم الله يوفقكم يارب