السلام عليكم ورحمة الله وبركاته
انا نادرا مااكتب مواضيع بس حبيت المرة دي اكتب بسبب الرعب الي عايشين فيه التحضيري .
كلكم قاعدين تقولو المواد صعبة وماعرف ايش وهاذي سنة تعجيزية مع انو المناهج هي نفسها الي كنا ناخدها في الثانوي وجبنا فيها درجات عاااااااااالية ولا ماكان دخلنا الجامعة .
بغض النظر عن التقصير الي احيانا يحصل مننا وبغض النظر عن بعض الاخطاء القليلة الي تحصل في تصحيح الورق انا اشوف انو في مشكلة وحدة في التحضيري هيا الي خلت الكل يشوفها تعجيزية
المشكلة انو احنا مرعوبين لانو اترسخ شي في بالنا الي هو " لو مانجحت / ي في السنة التحضيرية ماراح تتخصص / ي "
يعني بصفة عامة هي الي تحدد مصيرنا ودا الخوف هو الي يسبب تشتت لمعلوماتنا وافكارنا ويخلي درجاتنا تنززززززل
انا ان شاء الله باقيلي مادة وحدة تطلع درجتي فيها واتخصص واعترف ان التشتت دا ضيعني مررررة كتير يعني كل ماابدا اذاكر افكر في تخصصي ومستقبلي وانسى المذاكرة واتوقع دا يصير لاغلب الي بالتحضيري
يعني الخلاصة رعبنا من انو ماناخد الي نبغاه هو الي ودانا في داهية طيب ليش مانفكر بانو انا الي ربي كاتبو ليا حاخدو وابذل اقصى جهد ليا ، واي تخصص ادخلو رح ابدع فيه واكون مميز / ة
وحاليا لازم اركز في مذاكرتي عشان اوصل للي ابغاه
اتمنى انو يكون فهمتو قصدي ، ولو في اي احد عندو اعتراض يقولو يمكن نقدر نوصل لشي يقنعنا ويخلينا نشد حيلنا اكتر