رد: Bringing Back Happy Memories
اووه البداية كانت شي ودحين شي تاني . ما اقدر اقول انها كانت ذكريات سعيدة
بالنسبة لي لما بدأنا دراسة اول اسبوع كنت متوتر جداً ,, ومني فاهم شي الجامعة
وكان مستحيل اروح الجامعة الا وانا حالق ومزبط ولابس احلى لبس .. وتوالت الايام
لين فترة الاختبارات اللي فاتت صار لبسي غالباً ثياب ..صارو اصحابي ينادوني wolverine :d
قعدت فترة ما احلق الي هي قبل الاختبارات بأسبوعين + الاختبارات .. صرت وبكل ما تعنيه هذي الكلمات من معنى :
nerd + geek + retarded + weirdo + freak!
حتى افتكر يوم اختبار الفيزياء كان شكلي زي الزفت :d كأني هارب من سجن
جلست وجلس واحد جنبي وصاحبو سمعتو يقوله .. " اللي جنبي هذا شكلو مرررة دافوور " .. فطست ضحك بس حاولت ما ابين ..
- وافتكر زمان كنت ما امشي الا والبطاقة الجامعية في رقبتي والكتب معايا وانواع الاقلام بمختلف الوانها
اما دحين لا بطايق ولا كتب ولا أي شي هو بس دفتر للماث وحاط في نصو قلم ازرق جاف شبه مخلص
- صراحةً اختلاف 180 درجة بين ( انا ) بداية السنة و ( انا ) دحين
والله يستر على ( انا ) حق نهاية السنة كيف حيكون .. :d
شكراً دكتورة ..
|