رد: هنـــــــا أخبـــــــــــــــار نزول النتــــــــــــــائج .،.
اشوف ناس ماخذين مدرسين
وقسم بالله ماتسوى مصاريف
ادري زود اهتمام ولكن كل شئ على الله
وقسم بالله اني كلمت اكثر من 3 مدرسين
وقبل الاختبار (محاسبة) بيومين وهو يسحب علي ويماطلني
ويقفل جواله في الاخير نسيت اني مواعد الوالدة بحاجتين
الاولى لن اغش في اي اختبار والثانية مارح اطلب مدرس
فقررت اتراجع عن المدرس واذاكر بنفسي لو افحط في المحاسبة 3سنين
وكنت اتصل على ابوي وامي قبل الاختيار ب10 ثواني واقول
طلبتكم اخر طلب دعواتكم لعل الله يفرجها ووالله مادخلت اختبار الا وانا ضامن رسوبي
وسبحان الله تنقلب الموازين وترجح دعوات الوالدين
لكم مني نصيحة يامن قصرت في حق والديك والله لن تفلح في دراسة او عمل بدون رضاهم
وانت ياللي راحوا عليك وماتوا اسال الله ان يرحمهم ودورك اكبر من غيرك
الدعاء لهم والصدقة والعمرة والحج عنهم وبتشوف الفلاح بعينه
واكيد مارح اهمل دور المذاكرة ولكن تبقى الامور (النتائج) خصوصا عندنا في السعودية سرية
وشختك بختك والله ان زوجتي اختبرت وقالت لي باذن الله مارح تنزل عن 100 ولكن سبحان الله
كل المواد 100 الا هالمادة اللي قالت لي عليها طلعت راسبة وبالاحمر
ياناجحين الف مبروووووك
يامعيدين والله انها مكتوبة لك/ي من يومك في بطن امك بدون زعل وتوتر ماله داعي عيد المادة 123456 حتى تنجح
وحنا دافعين دافعين 3000 كل فصل لا تزودها بمدرس خربوطي والله بعضهم ماعنده احترام للمواعيد
هذي يمين اني مادري كيف عديت في المحاسبة المالية
لاحول ولاقوة الابالله
اخوي مهند اللي ساعدنا بمواضيعه ودي والله اقابلك وتتعشى عندي يوم كذا وانت رايق لبى قلبك ارسل ع الخاص
ولايهونون الربع والله كلكم غالين لكن الله الله في الفصل الجاي عليهم عليهم
سبحانك اللهم وبحمدك اشهد ان لا اله الا انت استغفرك واتوب اليك
|