امممم انا استثني من كلامي المواضيع التافهة بس سوري المواضيع الي انت بتقول عليها ماهي تافهة
يعني..الواحد مرات يحتاج مؤازرة يعني لما احد ينزل الأودس خربان بيشوف عندو بس ولا الكل بيشوف يمكن احد يفيدو بانو يدخل عليه من رابط تاني
و كمان الي زعلان ولا الي صاحبة متحطم في ناس هنا في المنتدى مشاء الله كلامهم حلو ويدعم ويهدي فلما يردو ع كدا مواضيع الفائدة بتكون للجميع وبتحسن نفسيتهم
وكمان الي مثلا ينزل متى تتوقعو الاودس ينزل في احد قبل كدا نزل وفي جا واحد قالو انو حيفتح الجمعة وفعلا فتح الجمعة وبكدا وفر علينا اننا نقعد كل شويا قدام الاودس نحدث في الصفحة
يعني في الاخير في اشياء بالنسبة ليك تافهة لغيرك تكون اهم شي فادا ماعجبك الموضوع خلاص سيبو
مع خالص تحياتي
وشكرا عالمرور