احب أنبه أنه قدوتنا هو الرسول صلى الله عليه وسلم و صحابته الكرام ....
و ما راح تكونوا كذا ..... الا اذا تغيرت سلوكم من الالف الى الياء
راح أتكلم عن نفسي ....
و انا في السيول قررت أنى لو ربي كتب لي عمر ان راح اعمل كذا
1- ما راح أنجح الا اللي يستحق عشان لا يخرج من يدي أحد مايفقه شيئ و يأذي خلق الله ...
2- انه ما اوقع على ورقة أو طلب الا لما اقره كويس ... عشان ضعاف النفوس لا يمرروا شيئ من تحت يدي
3- أني راح اساعد هذا الجيل لانه فيهم الخير و البركة ( مساعده اكاديميه ) .... عشان نملاء البلد بناس ايجابية و واعيه
4- الكلام سهل ... لكن احنا .. ما راح نتحول الى بلد رائده الا اذا فعلا تغيرنا جذريا
أما انتوا تحتاجوا تكون بهذه الصوره ......................... ...
أولا حبوا بلدكم
ثانيا جامعتكم.... و لا تحضروا الجامعه متثاقلين .... تعالوا و انتوا متفائلين و حابينها ..
تغيروا من مظهركم بحيث يكون لائق بطالب او طالبه جامعية
أبعدوا عن الغش .....
المذاكره مو للنجاح و زيادة الدرجات الا عشان تزيد معارفكم ....
تعبت من امس مو قادره انام
رايحه احاول لو ما نمت راجعه لكم
|
دكتتورة انا احيكيي على دي القاعدة .. والاجتهاد في الدراسة مهم بس انتي دكتورة وتقدري تأثري على طلابك واشوف انو من الاهم قبل كل شي تعززي فيهم مبادئ ( اولاد و بنات ) لانو ياما قابلت اشخاص من غير شخصية همهم اداء واجب ( الصلاة )
يعني انا عن نفسي انقهر جداً من الشخص اللي ماعندو شخصية مايعرف يتكلم ولا يبدي رأيوو
وفي اولاد ان جا اتكلمو عن الصح والغلط والمبادئ ( انا مبدئي حرمتي تغطي ) وكلام زي كدا .. جهل
ولا الجهل الاكبر اللي يقول اللي صار في جدة من المفاسد اللي فيها .. يا سلااام .. يعني الضحايا كانو فاسدين ؟ .. وين العقل
ليش الواحد مايقدر يفكر بنفسو
اصلا كتير يقولو انتا نافق في شغلك تمشي يكون عندك مبدأ تنداس
طيب انتا ماعندك رب فوق سؤال ؟!
دكتورة انا بقولك دا الكلام لانو صراحة كتير دكاترة بدأو بدا المبدأ وتحولو لانهم مايفكرو بمصلحة الطالب اهم شي انا اطبق النظام ..
مهما كان لازم في استثناءات لطالب ممكن او اتنين ليش ؟؟! بظروف يعلمها ربي وانتي طبعاً ليكي خبرة تفوقني بمرآآآآآآآحل ..
يمكن اولياء الامور فشلو يربو اولادهم على قيم الرسول عليه الصلاة والسلام بس انا ياما سمعت بنات دخلو تخصص لمجرد حبهم للاستاذة ..
انا بس نقطتني
انو اولا تعزيز القيم ,. تانيا مصلحة الطالبة ., وتطبيق النظام .
وسامحيني على مداخلتي بس كلام وحبيت اقولو
وحابة اقولك اني من اكتر المعجبين بشخصيتك
والله يسهلك دكتورتي . ..