مساء الخير
اول حاجه حعرف عن نفسي
انا ادرس في كلية التربية قسم انجليزي وانا الان سنة تانية ( لا يجي في بالك اني نجحت في كل المواد طبعآ شلت مواد كتيرة ) المهم حبيت اشارك لاني اعتقد انو نفس المواد.
تاني حاجه حنصحك بيها انك ما تاخد دبلوم من نيوهورايزن لانه ترة بس سمعه لا اكتر لكن في معهدين معروفه انها تدرس انجليزي ممتاز( الاول- معهد بيرلتز) و( التاني-معهد المجلس البريطاني) بس الاتنين ما تقدر تدخل الا اذا قدمت من بدري ممكن تكون في قائمة الانتظار و بصراحة اذا كنت مقتدر حتقدر تكمل فيه.
و ثالث حاجه اذا كنت ناوي تخصص انجليزي لازم يكون عندك حصيلة لغوية لانه الاستماع والتحدث مهو مطلوب قد الحصيلة بالنسبة لية انا ادرس ادب انجليزي مو لغة انجليزية.
ترة مو قصدي اني اصعب الموضوع قدامك بس لازم تعرف الفرق بين درسة اللغة الانجليزية نفسها و الادب الانجليزي ترة فرق مرة كبير.
و كلام الاخ رومنسي صح في حكاية انو لو ترجمت الكلمة بنفسك افضل لك من انو احد يترجمها لك .
بس انو تكون خلفية كبيييرة من اول ترة فكرة ممتازة . وترة انا الانجليزي سار عندي قوي لاني بدات خطوات صغيرة تعلم الانجليزي بدات بقصص الاطفال .اقراها والكلام الللي ما افهمو اترجمه . بعدين رحت للرويات
بس كانت صعبة شوية . والافلام صح تتعلم منها بس تعتبر لغة الشوارع . تدري انا اتعلمت بداية الكلام تدري من مين
تعرف ( بارني) . لا تضحك
بس والله مفيد.مع انو يعصب .وترة الانتساب ما يساعد قد الانتظام.
دا كل اللي عندي اتمنى اني كتبت كلام تستفيد منه
تقبل مروري. ولا تنسي تبلغنة اش يحصل معاك واذا تبغة اي مساعدة انا حاضرة.
