[ضحايا الصمت]

المشاركة الأصلية كتبت بواسطة تونيا لا يا ضحايا لا تروح , مين يرعى أرضك بعدك ؟ إحنا ..؟ مانعرف أو بالاصح مو قد المسؤليه ؟ شوف انت لما الدكتور ماجا زعلت .. تبغى الي بعدنا يحسوا بالضياع !؟ والله هذا الموضوع رائع .. زمان كنت مجتهده زياده عن اللزوم وابغى اجمع معلومات عن ناصر وامتحانه وكل شي يتعلق بيه . وكمان خايفه يصير لي ظرف صعب يحرمني من المذاااكره وابغى شي يسهلها ليا وفعلا زي ما حسيت . مس ابي البلاء (الحمدلله على كل حال ) المهم لقيت هذا الموقع قبلها بشهر وكتبت اول تعليق وانبهاري بالي سويته و بعدها وانا في عز المصايب كنت لما ادخل هنا اكون متضايقه واحيانا ابكي المهم والله لما ادخل ابتسم واحيانا اضحك من كلامك وتعليقك ومن البنات الي كل شويه يعيدوا ويزيدوا في الموضوع ( يا ضحايا احنا اتباهينا بيك ببعضنا وقلنا لو احنا البنات لو ايه ما نقول كل الي عندنا ) فكيف بالله الرحيم كريم ؟!.. كنت كالراعي ومسؤل عن رعيتك لا كلل ولا ملل وصدر رحب وخلاص من بعد اليوم لا تشرررررررررررررررح ابدا احنا نشرح احنا نفهم احنا نعلم , لكن خليك وراقبنا من بعيد بس لا تختفي انا اليوم اخر امتحان ولما ارجع ان شالله امسك الملزمه وكل سؤال اكتب اللف والدوران الي كان فيه واتمنى البنات يساعدوني ويضيفوا اي شي انساه لكن لو تركتنا لوحدنا من الآن راح اقول بنكون ( فخلف من بعدهم خلف أضاعوا...) والناس تدخل هنا تتعذب اكثر مما تستفيد انا عارفه مو من حقي افرض كلامي لكن هذا رأيي وانا معاك في كل كلمه قلتها وفعلا (مسؤليه) لأنها كانت عليك انت لوحدك بس وحملها اجهدك وكان المفروض احد يساعدك لكن في النهايه صار الاجر لك لوحدك لكن هذي المره معااك ناس يشيلوا عنك الحمل بس انت وجههم للطريق الصحيح .. وخلي هذا شرط بقاءك ومع ذلك لك حرية الاختيار. ومين يدري يمكن الدكتور ما يعطي الماده هذا الترم وخصوصا للبنات ويكون فعلا انتهى كل شي . على فكره عشان بس الي بعدنا يعرفوا .. أنا و3 بنات رحنا وجينا ورحنا وجينا عشان يخلوا الدكتور ناصر يدرسنا والدكتوره تقول راح تدرسكم استاذه رهف المرزوقي وما استسلمنا اصرينا وتعبنا والحمدلله صار من نصيبنا . والي يبغى الدكتور من بدري يروح ويتعذب عشان مافي شي على الجاهز.والله يجعله من نصيبهم مع انه قال اخر مره ادرس (كالعاده ) ضحايا الصمت والله هذا موضوع ( كان كالشجره استضل تحتها اصناف من البشر ..) كمان هذي المره أنا ما ابالغ وانت شوف في زي موضوعك ؟ وانت تقتنع .. ماااااااااااااااااااااااااااااقصرت إلا زوووووووووووودت وبلغت عند الله قبل كل شيء أعلى درجه اما احنا فالدعوات تتحدث عن مدى الرضا والسعاده وان شالله تجيب في امتحانك الاخير احلى درجه لا تزعل , لما يكون العيب من غيرك لا تتضايق حتى لو اتضررت انت سويت الى عليك والله هو الموفق و يارب تترصد a+ يارب ياكريم اجره في مصيبته واخلف له خيرا منها , اسأل الله العلي القدير ان يفتح عليك فتوح العارفين وان يوفقك لما يحب ويرضى وأن يرزقك العلم النافع والعمل الصالح وأن تصل الى ماتصبو اليه نفسك من عضيم الآمال وان يرزقك بهذا العمل من خيرات الدنيا ويجزل لك ثواب الاخره بجنة الفردوس الاعلى انه حليم كريم قدير .. والسلام .

اول شي جزاكي الله خير عالدعوات ولكي مثلها باذن الله


ثاني شي كلامك على عيني وراسي


وانا كمان امس دق عليا واحد من الشباب في الليل وقاعد يقنعني بنفس الكلام ....


ياجماعه في الاخير ترى هيا مادة وحده لا راحت ولا جات .... لانكبر الموضوع ونعطيه اكبر من حجمه


وعشان لا اصير زي ماقالي صاحبي ( لاتصير اناني ) انا مستعد انزل ملخص للمادة بالشرح

اعيد ترتيب كل الي كتبته واترجم المذكرة من جديد مو مشكله ..... بس اني اتحمل مسؤلية الى يوم الاختبار والله صعبه

والله انا سويت الشي هذا بقناعتي وماكنت مدرك حجم المنفعه الي بتجي من بعده ... كانت الفكرة في البداية انه انقل الاسئلة الي جاتنا وخلاص وبعد كيذا صار في نقاش واسئلة وكبر الموضوع وصار مسؤليته كبيره ...


اذا انتي تفكري الموضوع بس حيالله الردود هنا .... معليش عالكلمة هذي (بس الرسايل الخاصة والاستفسارات والطلبات هناك لاتقل عنها) .... في العمل وفي المطار وانا مسافر بالسيارة والله ادخل من جوالي عشان اشوف الردود وارد عليها ... متعبه شويا
والله العظيم اني صحيت يوم الاختبار بدري يمكن الساعه 7 على اتصال واحد من الشباب يعز عليا وللاسف كنت نايم والرجال استحى يسألني عن استفساره وقفل

والله اني كنت مبسوط وانا باسوي الشي هذا ومازلت مبسوط اني سويته ولكن مسؤلييييييييية




الاخوان والاخوات في الجامعه بيسوو طريقة ممتازة وهيا الشرح من مرة وحده ... يعني عندك مثال الاخ الفاضل هاني عرب والاخت ام رنيم ... بينزلو ملخصات يستفيدو منها ناس ونااااااس ياكثرهم وهما ماقصرو والله

انا موضوعي يبغاله متابعه وغير كيذا بيوصل لنسبة بسيطه قدرت تصيد الموضوع



لا اخفيكم .... انا اقترحت على مشرفين القسم يعطوني مواد ادارة الاعمال باللغة الانقليزية في موضوع مثبت وانا استلمها كلها .. علما باني درست متطلباتي منها ودرست بعضها كمادة اختيارية والحمدلله ومن فضل ربي كلها +a... ولكن ماجاني رد ... وهما ادرى بمصلحه المنتدى

ويسوو موضوع مثبت اخر لمواد اللغة العربية وبيحصلو مين بيبدع فيها
وموضوع ثالث للمواد الاحصائية ورابع للمحاسبية وهكذا

بدال مو كل شويا موضوع وكل شويا طلب وبليز ساعدوني وتكفون والله يوفق الي يدلني !!!!


الموضوع هذا قاعد تحت طائلة الرفع .... وهذي ماهي طريقة تساعد ولا هيا طريقة تخدم الطالب

ترى في كثير بيدخلو المنتدى مية مرة ولكن ماوصلو للموضوع ولا مرة










انا عني ماراح اختفي على قولك بالعكس .... بارتب الجهد هذا بطريقة افضل وانزله في ملخص يستفيد منه الجميع ... واذا انتو عندكم نية تكملو فالله يقويكم وانا ماراح اتردد في مساعدة اي احد فيكم



اما عن امتحاني فوالله مازعلت .... عادي اصلا لو جبت فيها 100 ولا 60 ماراح تاثر في المعدل الا اقل من 0.1

بس شي يقهر انك تذاكر وتجتهد وتجي اسالة غللللللللط وماهي من المنهج

يعني كتاب فوق 300 صفحه ماملى عينك ؟؟ شوفلك اي سؤال منه واسال

بس قيدها راحت الحمدلله وننتظر النتايج وان شاءالله خير