السلام عليكم
اولا :جزااااااااااااااااك الله كل خير ^^الله يحقق كل امانيك يااااااااااااااارب
ثانيا:انا بقول تجربتي مع القدرات لان كل دي المهارات حق القدرات اللي هوا الابتدائي والمتوسط بس للاسف ناخذ كل شي كدراسة ودرجات
مو علم وحبا في المعلومة
المهم كنت مستحية من نفسي كيف علمي ومانعرف اساسيات الرياضيات تمام!!! تخيلوا لاي درجة تبرمجنا لم اقول للبنات 6*7 كم على طول الالة ويضربوا !!!والله بنات علمي ومو عارفين جدول الضرب ولا القسمة المطولة كله الة في الة وقاعدين يسبوا في القدرات وتخيلوا ولا مذاكرة ولاشي ويبوا درجة في القدرات لاتقولوا اش دخل القدرات والله مع القدرات اتعلمت واذكرت كل شي الترم الثاني في ثالث اتزاعلت مع الالة حتى ما اجيبها واحاول احسب بعقلي منجد والله اطورت عندي دي المهارة وسرت احسب اسرع من اول والقانون كيف تجيبي اي شي منه او الضرب بين طرفين منجد دي اساسيات لو اتقناها اشياء كتيرة بتسهل علينا منجد حجة استاذة ماتشرح او المادة كتيرة ماسارت تنفع لازم نشتغل على نفسنا عندنا نت وملخصات وصحبات
تقدري تعلمي نفسك بنفسك صح صعب في البداية بالذات اللي متعودين على المدرسين الخصوصين بس كل شي مع الممارسة والتعود يسير سهل معليييش منجد طولت بس حبيت اقول تجربتي مع القدرات لانه افادني كتير مو كاختبار كتعلم مهارات كنت محتاجها
بصراحة الان درجاتي مو تمام
بس وااااثقة ان الجاي احسن باذن الله عرفت اش ناقصني وبعوض ان شاء الله وربنا معانا فبعدوا عن التحطيم في النهاية اللي فيه الخير ربي بيسره من عنده معليش استاذة على المداخلة الطويلة
بس حبيت اتكلم شوية
وشكرااااااااااااااااااا متابعة معك^^