كلامك 100% مسوري اما بخصوص المواضيع حقت الدرجات!!!
المشكلة الفترة هذي انا مرة مشغول مع اهلي ويالله الاقي وقت اقعد اشوف اخبار الدرجات
امس كان بالمرة الوضع .. مدري كم موضوع وكلها مقالب يعني اعرف تبغو تفرفشو بعد الاختبارات
وكدا بس زي ما تبغونا نقدر وضعكم انك بتفرفشو قدرو انو في غيركم لما يسمع " الدرجات نزلت " قلبو يطيح
زيي مثلاً امس انرعبت لما شفت موضوع سلطان حق الماث والبونص اساساً ولا حتى فكيت الموضوع
رحت عالـ اودس جري ومالقيت الدرجة فـ انفجعت كمان قلت في مشكلة في الاختبار ولا اني نسيت اكتب رقمي
وبديت اوسوس ولما دخلت الموضوع اكتشفت .. او انصدمت بالأصح!
يعني اختارو الاوقات اللي تمزحو فيها مو كدا ,,
---
ومن ناحية الجامعة والدكاترة .. فـ معروف انو السنة التحضيري هذي التعامل شوية صعب مع الدكاترة ومع الانظمة
وانا من الناس اللي يعانو من الشي دا .. لكن في الحقيقة فين كنا بنروح جامعة غير عزوز؟
وصراحة بقول الحمدلله الجامعة حلوة ورح تكون احلى لو يهتمو اكثر بالتحضيري .. لكن ما اقول الكلام دا
قدام اصحابي عشان لا ياكلوني لأن مشاكلهم لا تعد ولا تحصى مع الجامعة والدكاترة .. ومدري ليش؟!
وخصوصاً الناس اللي رسبو في مادة من المواد يقعد يتحسبن ويدعي عالدكاترة ..
ياخي لو الدفعة كلها رسبت لك حق بس تلاقي اغلب الطلاب ناجحين بدرجات عالية او شبه عالية إلا انت معناها الغلط منك!
مالك حق تقعد تدعي عالناس .. الله يستر علينا وعليهم
اسأل الله التوفيق ...