رد: افيدوني في قراري الله يوفقكم يااااارب^^
وعليكم السلام ورحمة الله وبركاته
انا كمان سحبت العام ودحين رجعت وعدت القدرات والتحصيلي من جديد
ازا تبي تعرفي كيف تسحبي ملفك عادي تروحي للعمادة حيدوكي ورقة توقعيها من كزا مكان من المكتبة ومن مدري فين نسيت والله لوول هما يقولولك
وبعدين ترجعيها لهم ويدوكي ملفك في نفس اليوم
اما عن الاعتذار ماعرف والله
ازا كنتي تبي ترجعي تاني لجامعة الملك عبدالعزيز فأسألي من دحين ارسلي مسج للمشاط
اما ازا جامعة حكومية تانية فأنا اقولك خليكي في عزوز لنهاية السنة
لأنو ماتعرفي السنة الجاية ايش يحطو شروط
اعطيكي مثال انا ماسيبت جامعة في الحياة ماقدمت فيها السنة دي
في جامعة طيبة كانت نسبتي تدخلني طب عندهم لكن السنة هادي خلو الطب فيها بس لخريجين السنة نفسها
يعني لاتستعجلي ممكن يحطو شروط جديدة كملي وشوفي الين الأخير
وكمان في وقت محدد العام كان للي يسحب ملفو عشان يرجع كطالب جديد وازا سحب بعد دا الموعد مايرجع تاني
فانتبهي لدا الموضوع ازا كنتي حابة ترجعي هنا مرا تانية
واهم شي استخيري وازا عندك أي سؤال اتفضلي
والله يوفقك ان شاء الله
|