رد: تقييمك لمدرسينك بهالترم
بالنسبة لي
الماث
د.فؤاد ملاوي .. طيب وحبوب وشرحه اكثر من رائع .. وإلا يفهمك المعلومة لدرجة انو اخر شابتر
اخذناه في آخر يوم في اخر اسبوع وكنا آخر شعبة لأنو يمشي ببطء عشان الطلاب .. الله يجزاه الجنة
الفيزكس
د. محمد الزين .. انسان طيب وكل شي .. ولما تجيني اسئلة غبية واسأله مايقولي اي شي ويعيد الشرح
الله يجزاه كل خير .. لكن مشكلته في الشرح انه صوته شوية واطي + خطه صغير في الكتابه
وشي كمان انو يتعامل مع الطلاب على انهم ليفيل عالي في الفيزياء يعني قليل ما يبسط المعلومات
فـ اغلب الشعبة تلاقيها ضاايعة في الشرح
لكنه مجملاً كويس وطيب
الحاسب
أ.انس فتوح .. كويس لكنه متشدد شوية يعني في اخر اختبار عملي كل الشعبة غلطت في شي في الاكسل
بدل ما ينقص الشعبة كلها 3 درجات كان الاحسن انه يمشي الغلط .. ماكان داك الغلط يعني
ولسه رح تبان الطيبة لما تطلع الدرجات :]
مهارات الاتصال
د.سالم مدني
طيب جدا جدا جدا ومتفهم ودمه خفيف .. ريحنا من البريزينتيشن ومن كللل شي بس في آخر محاضرة طلبنا
نسوي كم شي وخلاص على كدا بيعطينا درجات التقييم + شوية درجات مساعدة
متفهم في الغياب .. قالنا في آخر الترم انا ما بعطي لأحد حرمان في المادة اصلا!
إلا للناس اللي مررة .. وماحضرو حتى الاختبار
English
مستر منير " مااعرف اسمه الاخير "
كويس وكل شي ومتفهم في الغياب .. وله نظام مرة حلو اليوم اللي تغيبه يغيبك عن محاضرتين فقط
حتى لو كان عندك اربع محاضرات .. يعني الغياب عنده من 10 ايام بعدها حرمان
تدريسه مرة حلو ويفهم .. لكن عنده نظام في حل التمارين انا اكررررهه اللي هوا
work in pairs :@
اكره الحل الجماعي للتمارين .. تلاقي اللي جنبك مو عارف ايش المادة هذي اصلا وحالة
---
يلا الحمدلله راحت الخطة بحلوها ومرها .. الله يستر من ب
|