السلام عليكم
وعليكم السلام ورحمة الله وبركاته
يا أخوان أنا منتسب لغة انجليزية وبالأمانه أنا من سكان الرياض
عارفين وضع الأنتساب يعطونا منهج ومقرر صعب مرة .. وبالدورة تاهيلية يحاولون يسهلون اخر اسبوعين
بعدين تجي الأختبارات من 100 درجـة !!! بصراحـة الوضع مو عاجبني وماهوب مقنع بالنسبة للإنتساب وخاصة للغة أنجليزية تخصص صعب ومتعب ومقرراته مليانه وكثيرة مرة
حبيت اسأل كم سوأل للمتعلمين عن بعد وياليتكم تساعدوني يا أخواني
السوأل الأول : هل هناك تخصص أنجليزي في التعليم عن بعد ؟
ايوة فيه تخصص إنجليزي أنا مستوى ثالث الحين.
السوأل الثاني : كيف يكون تقسيم الدرجات بالنسبة للتعليم عن بعد ؟
التقسيم يختلف وكل شوي لهم قرار يعني أول مادخلت كان 40-60
بعدين قالوا 50-50
والسنة هذي قالوا فيه قرار 30-70لمواد التخصص
بس شكلهم بطلوا عنه وصار 40-60
والله أعلم.
بس الميزة الثانية بالتعليم عن بعد غير ميزة الدرجات هو شرح المادة يعني لما تذاكر طول السنة مع الأستاذ وتشارك معاه ماراح تتعب بالإختبارات النهائية لأنك تكون مستوعب المنهج.
السوأل الثالث : هل فيه محاضرات نظرية مثل جامعة الأمام محمد بن سعود .. يعني محاضراات على الفيديو ومحملة على الموقع ويكون فيها الدكتور أو المدرس يشرح محاضرات للمقرر كامل ؟
لا ياأخي المحاضرات حية يعني مباشرة ,كل مادة لها محاضرة واحدة أسبوعياً تحضرها مع الأستاذ وفيها مشاركة والحضور إلزامي يعني لو تغيبت عدد معين من المحاضرات ممكن يجيلك حرمان لاقدر الله لكن المحاضرات تتسجل وممكن تحضر المسجلة وبكذا يحسب لك حضور إذا عملك مايسمح لك تحضر كل المحاضرات مباشرة لكن فيه نقطة مهمة إذا عملك مايسمح لك انك تفتح النت كثير راح يكون الوضع صعب شوي عليك لأن التعليم عن بعد زي الإنتظام يحتاج منك المتابعة اليومية للإختبارات والواجبات اللي تنزل,
السؤال الرابع : هل يجب حضوري لجدة .. وأروح وأحضر لأني سمعت أشاعات أني لازم من حضوري .. ما أدري عن هذه المعلومات ؟
حضورك لجدة إلزامي بالإختبارات النهائية لكل مستوى لكن الإختبارات الدورية والواجبات كلها على النت.
السوأل الخامس : هل هناك أختلاف بالمناهج علماً ان الإنتظام نفس مواد الإنتساب ولكن يختلف التحديد في بعض الأحيان وبعض المواد ماهيب كلها ؟
المواد نفسها لكن تختلف الكتب يعني مثلاً مواد التخصص ماطالبونا بشراء الكتب لأن المنهج متوفر على النظام (الإيميس) وغالباً هي نفس منهج الإنتظام والإنتساب.
السوأل السادس : مثلاً ابي احول كيف يكون هناك التحويل وش المطلوب .. علماً ان معدلي مرتفع ولله الحمـد اتمنى تفيدوني وتعلموني كيفية التحويل ؟
التحويل من عمادة القبول والتسجيل,
أعتقد إنه لازم ماتكون خلصت نص ساعات التخصص عشان تقدر تحول,
بس ماأدري إذا ينطبق هذا النظام على الذي بيحول لنفس التخصص,
والله أعلم.
السوأل السابع : أنا بما أني عسكري برتبه جندي أول امنيتي أصير مدرس .. هل إدارة تعليم والتربية والخدمة تقبل التعليم عن بعـد للتدريس أو لا .. علماً انهم يقبلون الأنجليزي إنتساب للتدريس وهذا اللي مصبرني على القسم ؟
بالنسبة لذي النقطة والله ماعندي علم لأن أول دفعة من التعليم عن بعد ماتخرجت بعد,
ياليت تتحملوني .. على كم هالسوأل اللي طرحته عليكم وتعطوني اجابات يا احبابي