مشاركة: استفسار عن كم ماده
بالنسبة لقواعد البيانات مع د.منال
انا اخذت الكتاب من صحبتي
لكن للأسف ما فتحته
المشكلة انه الدكتورة ما تمشي على ترتيب الكتاب
فلما اي بنت تحاول تفتح الكتاب ما بتقدر تستفيد منه
لأنه المعلومات اللي نحتاجها نلاقيها بشكل "مبعثر" في الكتاب وصعب تطلعيه
لكن الدوري الأول لااااااااااااازم لاااازم لازم "تحفظوا كل التعاريف"
زي أسمائكم واكثر امكن
سواء اللي كتبتها معاكم في المحاضرة او قالتها بالكلام بس
ولازم تحفظوها بالانجلش وتجيكم في الاختبار"عرفي"
حاولوا تطلبوها من البنات..لأنهم يتوارثوها من بنات الترم اللي فات
بس قولوا الحمدلله...ما حتطالبكم فيها تاني ابداً ولا حتى في النهائي
وحأحاول انزلها في المنتدى ان شاء الله (ذكروني لما يقرب اختباركم اذا ما نزلتها)
بالنسبة لنظم التشغيل مع د. لمياء
هي اعتقد تطلب الكتاب
وفي بنات يستفيدوا منه
لكن عن نفسي ما فتحته الا في المسائل تقريبا
وفي الاختبارات ذاكرت من السلايد وبس
بس كنت انقص شوية في الاختبارات (ما اعرف ضعف مذاكرة ولا حاجة الكتاب)
|