[أبو فاتن]

أولاً وفي البداية أحب أمسي على الجميع بالخير وخاصةً الناس اللي اهتموا لأمر أبو فاتن مع هالمادة
وأقولهم مشكورين من الأعماق وشاكر لكم إهتمامكم الغير مستغرب لأنه يدل على طيبة قلوبكم وصفاء ونقاء سرائكرم وأصولكم الطيبة وهالشي شرف ووسام على صدري ماحييت فشكراً لكم جزيلاً والشكر في هالموقف لايمثل ولوشيء بسيط ممايحمله لكم قلبي من محبة صادقة
أما الأشخاص الآخرين فمالهم عندي غير ...!!
داري إن البعض جاي بس يبي يعرف درجة أبو فاتن مو حب في أبو فاتن لكن مو مشكلة أنا إذا بحط درجتي بحطها للناس الغالين واللي يهمهم هالشيء بصدق وهم عارفين أنفسهم
بس قبل أحط الدرجة حاب أقول شي :
أنا يوم أبي أنزل مادة حرة ماأبي أنزلها عشان أعديها مثل بعض العالم اللي داخل الجامعة وهو مايدري وش يبي أصلاً ولا له هدف بس بكالوريوس والسلام أو عشان الخطة الدراسية أو عشان أجيب فيها درجة متواضعة لأني إذا ماجبت فيها ( قياساً بطموحي ) درجة لاتقل عن 95 – 99 أعتبرها ماده حرة فاشلة ومن نصح فيها أفشل منها
عموماً أعيد وأكرر المادة لاترقى لأن تكون مادة حرة
المادة سهلة كمتطلب صعبة للمعدل
الغريب يجيك دكتور المادة وبكل ..!! يقول لاتخافون ماأحد راسب كأنه يمن علينا ..!! دارين ياأخي إنه ماحد بيرسب فيها إلا واحد قدرات خاصة ولاتقدر أصلاً ترسب أحد لأنها سهلة التجاوز ( يعني مو مادة رسوب )
حاول الدكتور بشتى الطرق في الأسئلة إنه يعمل كريزما خاصة للمادة ويعطيها نوع من الأهمية بالتلاعب في أسلوب الأسئلة بوضع جزئين في سؤال لإهام الطالب وتشتيت الذهن مثال ( طبعاً الأمثلة اللي بطرحها هي للناس اللي تفهم مكامن الصعوبة والسهولة في السؤال والصيغ السؤالية وطرق وضع الأسئلة أما اللي يقرأ وبس فهذا مايهمني يفهم ..)
السؤال صح وخطأ : ( أوجه التفسير خمسة ومن تلك الأوجه وجه لايعلمه إلا الله سبحانه وتعالى )
الجواب الصحيح : (اوجه التفسير أربعة ومن تلك الأوجه وجه لايعلمه إلا الله سبحانه وتعالى )مثال آخر ..
جاب معلومة مهمله من بين السطور لآية معينه وسأل ماذا أتفق عليها جمهور العلماء هل هي محكمة أو منسوخة وماراح يجاوب عليها إلا اللي مذاكر ومذاكر بشدة وإخلاص ( مثلي ) هههههههه

عموماً أتأسف من الجميع على الإطالة في الرد وسامحوني .. وراح أنسخ هذا الرد لأضعه في موضوعي الخاص بالمادة

درجتي بعد جهد لايستهان فيه : 90