كان فيني غبنة من اختبار الرياضيات بس كتمت غيظي وقلت حسبي الله ونعم الوكيل فيهم .. بس للأمانة بعد ما قريت ردة فعل الانتظام من الرياضيات .. زادوني حرقة والله ..
اختبارهم كان جدآ سهل .. والآلة كانت مسموحة .. وباب الدوال ما جاهم غير شيء بسيط منة ..
نجي لنا نحنا الانتساب .. وبتكلم عن الالة الا ما كان فيها قانون موحد وكان ماشي مع مزاج الاستاذات .. سمحوا في بعض القاعات والبعض الاخر منعوا .. وانا كنت في احد القاعات الممنوعة ..
كمان الاسئلة بعدت كثيرا عن المفردات الا محددتها حنان باطرفي .. مع انو دكتورتنا بالسنترا لما سألناها قالت اعتمدو المفردات واذا ما جا زيها بالارقام راح يجي شيء اسهل منها بكثييير ( نوره الشهري ) وحسبي الله عليهم اشياء مخالفة تماما واصعب بكثير ..
ركزوا على باب الدوال .. وعلى القوانين والاشياء النظرية .. ونحنا ركزنا ع المعادلات والتحليل والمسائل الحسابية .. عملوا فينا مقلب جامد حسبي الله عليهم
ولو لاحظتوا حتى المسائل جابوها كلها مخالفة للامثلة المحددة عندنا وياريتها بس في الارقام انما اختلاف كلي حتى بطريقة الحل .. والا بالله عليكم هل في امثلة الورث عندنا سؤال مختص ببناء مسجد وكم اقصى حد ياخذ من فلوس المتوفي ؟؟؟؟؟؟؟؟؟؟؟؟
انا لقيت الجواب بس بين السطور .. انه ياخذ ثلث من ماله للصدقة :) ما صار رياضيات صارت ثقافة اسلامية الا بجلس بذاكر حتى بين الاسطر عشان اعرف الاحكام الشرعية ..
والا السؤال حق النسبة المئوية يعني مره صعبت عليهم يجيبوا بطريقة مباشرة كان لازم اللكاعة ويجلسوا يقولوا تغيب ثلاثة ايام وخصم عن كل يوم وهاتك ياتطويل في الموضوع .. :(
من جد هم لهم بركة الا نحنا عشان يمرمطونا ..
والا حق خط الدائرة .. الى اليوم ما عرفت وش طريقة هالسؤال .. بس كل الا قدرت استنتجة انهم حشروا رمز الاعداد العشرية وسط الصيغة ..
والا حقون a اكبر من b بالله وش موده هالسؤال .. والاختيارات حقة ودك تفطس ضحك مدري على غباء الاختيارات .. والا على عقولنا الا ماقدرت تستوعب ......!
والله اني مقهورة شهر ونص رايحة جاية عند الاستاذة ومدنقرة بالرياضيات .. ومسوية عزلة من العالم الخارجي .. ع بالي دافورة بجيب معدل .. وخساير ومرمطة 
وبالنهاية اسئلة تخليك تجيب العيد غصب عنك 
كل المواد كانت سهلة ولله الحمد .. الا الماث عقدني من الجامعة وحطم نفسيتي .. وخلاني افكر انسحب اذا ودي استمتع بالحياة 
سي يو >> 